مووسل: هه‌ژماره‌كا سه‌ركرده و تیرۆرستێن داعشێ هاتنه كوشتن
وار
ژ ئه‌نجامێ هه‌ژماره‌كا چالاكیێن سه‌ربازی و هێرشێن فرۆكه‌یێن هه‌ڤپه‌یمان، هه‌ژماره‌كا تیرۆرستێن داعشێ و سه‌ركرده‌یێن وێ رێكخستنا تیرۆرستی ل ناڤا مووسلێ هاتنه كوشتن.
به‌رپرسێ لقا مووسل یا پارتی عسمه‌ت ره‌جه‌ب بۆ وار گۆت: ل دووڤ زانیاریێن ژ ناڤا مووسلێ ب ده‌ست وان گه‌هشتین، فرۆكه‌یێن هه‌ڤپه‌یمانان دو باره‌گه‌هێن داعشێ ل تاخێن شورته و مه‌جموعێ ژناڤبرن و هه‌ژماره‌كا تیرۆرستان كوشتن.
عسمه‌ت ره‌جه‌ب دا زانین، كه‌تیبه‌یێن ئه‌لهۆیێن مووسلێ ژی، شیاینه تیرۆرسته‌كێ داعشێ ل تاخێ دومیز یێ مووسلێ بكوژن، هه‌روه‌سا كه‌تیبه‌یێن مووسلێ شییان سه‌ركرده‌یێ داعشێ ئه‌بو مه‌روان ل ناوچه‌یا تلعه‌بته ل باشۆرێ باژێڕی بكوژن. ل تاخێ میساق ل لایێ چه‌پێ یێ باژێڕی ژی كه‌تیبه‌یێن مووسلێ شیان، سه‌ركرده‌یێ داعشێ یووسف ئه‌بو نه‌به‌‌و ب نارنجوكا ده‌ستی بكوژن و ل تاخێ عامل ل ره‌خێ راستێ ژی به‌رپرسێ داعشێ جاسم عه‌بدولعه‌زیز بكوژن.
تُتاح هذه الصورة أيضا في: کوردی