مه‌سروور بارزانی كۆمبوونا هه‌ڤپه‌یمانییا دژی داعشێ ره‌خنه‌كر
وار
شیره‌تكارێ جڤاتا ئاسایشا هه‌رێما كوردستانێ، ره‌خنه‌یێن دژوار ل كۆمبوونا هه‌ڤپه‌یمانیا دژی داعشێ گرتن و راگه‌هاند؛ جهێ شه‌رمێ یه نوونه‌رێ كوردان دناڤا كۆمبوونێ دا نه‌بیت.
د تویته‌كێ دا ل تۆرا جڤاكییا تویته‌ری، مه‌سروور بارزانی شیره‌تكارێ جڤاتا ئاسایشا هه‌رێمێ، ته‌ڤلی ره‌خنه‌كرنا كۆمبوونا ئه‌ڤرۆیا هه‌ڤپه‌یمانییا نێڤده‌وله‌تی یا دژی داعشێ دیاركر، جهێ شه‌رمێ یه هه‌ڤپه‌یمانییا نێڤده‌وله‌تی كو ئه‌مریكا سه‌ركێشیا وێ دكه‌ت نوونه‌رێ هه‌رێما كوردستانێ داخواز نه‌كرییه.
دیار ژی كر، ژبه‌ركو كوردان رۆله‌كێ سه‌ره‌كی د شه‌ڕێ دژی داعشێ دا هه‌بوو، پێدڤییه نوونه‌رێ كوردان د كۆمبوونا هه‌ڤپه‌یمانیێ دا پشكدارببا.
ئه‌ڤه د ده‌مه‌كی دایه، وه‌زیرێن به‌رگرییا هه‌ڤپه‌یمانییا نێڤده‌وله‌تییا دژی داعشێ، ئه‌ڤرۆ ل واشنتۆنێ لدۆر گۆتوبێژا ئۆپه‌راسیۆنا رزگاركرنا مووسلێ كۆمدبن و خالد عۆبێدی وه‌زیری به‌رگرییا ئیراقێ ژی ب نوونه‌راتیا ئیراقێ د كۆمبوونێ دا پشكدار دبیت.
تُتاح هذه الصورة أيضا في: کوردی