كۆنگرێسا ئه‌مریكی پرۆژه‌یه‌ك دژی سعوودیێ په‌سه‌ند كر
waar – دهوك
كۆنگرێسا ئه‌مریكی پرۆژه قانوونه‌ك په‌سه‌ندكر، كو رێكێ دده‌ته قوربانیێن كاره‌ساتا 11ی سپته‌مبه‌رێ، سكالایێ لسه‌ر سعوودیێ تۆمار بكه‌ن. پێشتر كۆچكا سپی راگه‌هاندبوو، ئۆباما دێ وێ پرۆژه قانوونێ ڤیتۆ كه‌ت.
ره‌ڤشنڤیسێ وێ پرۆژه قانوونێ ژلایێ سیناتۆره‌كێ پارتا دیمۆكرات و سیناتۆره‌كێ پارتا كۆماریخواز هاتییه‌ئاماده‌كرن، ل مه‌ها گۆلانا بۆری ره‌شنڤیس ژلایێ جڤاتا پیرانڤه هاتبوو په‌سه‌ندكرن، دوهی ژی ژلایێ كۆنگرێسێ ڤه هاته په‌سه‌ندكرن.
ل دووڤ پرۆژه قانوونێ، كه‌س و كارێن قوربانیێن كاره‌ساتا 11ی سپته‌مبه‌رێ، دشێن سكالایێ دژی به‌رپرسێن سعودیێ تۆمار بكه‌ن، ب تۆمه‌تا ده‌ستهه‌بوونێ د وێ كاره‌ساتێ دا.
سۆبه‌هی سالڤه‌گه‌ڕا 15ێ یا كاره‌ساتا 11ی سپته‌مبه‌رێ یه، ل سالا 2001ێ رێكخستیا قاعیده یا تیرۆرستی، شیا هه‌ردو بورجێن بازرگانیا نێڤده‌وله‌تی و وه‌زاره‌تا به‌رگرییا ئه‌مریكی ب سێ فرۆكه‌یان بكه‌ته ئارمانج، د وێ كاره‌ساتێ دا، نێزیكی 3 هزار كه‌سان گیانێ خوه ژ ده‌ستدابوو، هزارن كه‌سێن دی ژی بریندراببوون.
تُتاح هذه الصورة أيضا في: کوردی