مهكتهبا سیاسی یا پارتی: وهرگرتنا باوهریێ ژ هشیار زێباری پلانهكا سیاسی بوو
waar – دهوك :
مهكتهبا سیاسی یا پارتی دیمۆكراتی كوردستان راگههاند؛ وهرگرتنا باوهریێ ژ هشیار زێباری پلانهكا سیاسی یا بهرنامه بۆ دارشتی بوو و ئهو ئالیێن پشكدار د وێ پلانێ دا، دێ د دهمێ خوه دا بهرسڤا وان هێتهدان.
مهكتهبا سیاسی یا پارتی دیمۆكراتی كوردستان، راگههاندنهك ل دۆر وهرگرتنا باوهریێ ژ هشیار زێباری وهزیری دارایی یێ ئیراقێ بهلاڤكر و تێدا دیاركرییه كو وهرگرتنا باوهریێ ژ هشیار زێباری، پلانهكا سیاسی یا بهرنامه بۆ دارشتی بوو و د پرۆسهیهكا ئالۆز دا هاته برێڤهبرن، د دهمهكی دا كو زێباری بزاڤێن بهردهوام بۆ رێكخستنا وهزارهتا دارایی دكرن و دخوازت پهردێ ل سهر ههموو گهندهلییان راكهت.
دایه زانین ژی كو د چهند مههێن بۆری دا، بزاڤێن چڕ بۆ توخكرنا ههڤركیێن سیاسی ههبوون، بۆ وی یهكێ پرۆسهیا لێپرسینا زێباری، بێخنه د بهرگهكێ دی دا و ههموو بزاڤێن وی یێن نههێلانا گهندهلیێ ژناڤببهن.
مهكتهبا سیاسی یا پارتی ئاماژهكرییه كو ئهوێن ل پشت دارشتنا ڤێ پلانێ، ههمان درێژهپێدهرێن سیاسهتا شوڤینی یا دژی مللهتێ كوردن و داخویانیێن وان د نها و دهمێ بۆری ژی دا، راستیا ڤێ یهكێ نیشان ددهن، لێ دێ د دهمێ خوهدا بهرسڤا وان كهسان دێ هێتهدان.
راگههاندنا مهكتهبا سیاسی یا پارتی ئاشكراكرییه كو سهرباری ڤێ چهندێ، پارتی دێ د پشتهڤانیكرنا حكومهتا عهبادی و ههموو وان كهسێن باوهری ب ئاشتی و دیمۆكراتی و پێكڤهژیانێ ههیی، بهردهوامبیت.
تُتاح هذه الصورة أيضا في: کوردی