بارزانی و ئەردۆگان کۆم بوون
WAAR-دهۆك:
سەرۆکێ ھەرێما کوردستانێ گەھشت تورکیێ و د گەل سەرۆککۆمارێ تورکیێ دا کۆم بوو و پەیوەندیێن ئابۆری و سیاسی یێن ھەولێر و ئەنقەرەیێ و چەندین پرسێن دی گۆتووبێژ کرن.
مەسعوود بارزانی، سەرۆکێ ھەرێما کوردستانێ ب رێیا فرۆکەخانەیا ستەنبۆلێ یا نێڤدەولەتی گەھشت تورکیێ و ب بلندکرنا ئالایا کوردستانێ ل کێلەکا ئالایێن ئیراق و تورکیێ ل فرۆکەخانەیا ئەتاتورکی یا نێڤدەولەتی یا ستەنبۆلێ، ژ ئالییێ ئۆمێت یالچن، شیرەتکارێ وەزارەتا دەرڤە یا تورکیێ ڤە، پێشوازی لێ ھات کرن و پشتی دەمەکێ د گەل رەجەب تەیب ئەردۆگان، سەرۆککۆمارێ تورکیێ دا کۆم بوو.
بارزانی و ئەردۆگان دو دەمژمێران دووری مەدیایێ مان د کۆمبوونێ دا و ل گۆری ئاگەھییێن وار بارزانی و ئەردۆگانی پەیوەندیێن ئابۆری و سیاسی یێن ھەولێر و ئەنقەرەیێ گۆتووبێژ کرن و ئاژانسا سۆن ھەبەرێ یا تورکیێ ژی راگەھاند: بارزانی و ئەردۆگانی پرسێن شەرێ داعشێ، رزگارکرنا مووسلێ، ھەبوونا حەشدا شەعبی تەلەعفەرێ و پەکەکێ ل ئیراقێ و شەرێ سووریێ گۆتووبێژ کرن.
پشتی کۆمبوونا بارزانی و ئەردۆگانی ل ستەنبۆلێ، بارزانی ب رێیا فرۆکەخانەیێ گەھشت ئەنقەرەیێ و وەزارەتا دەرڤە یا تورکیێ بەری نھا دیار کربوو:ئه‌ڤرۆ دێ ل ئەنقەرەیێ د گەل بینالی یلدرم، سەرۆکوەزیرێن تورکیێ دا کۆم ببیت.
تُتاح هذه الصورة أيضا في: کوردی