وه‌زاره‌تا دارایی و ئابۆری راگه‌هاندنه‌ك ل سه‌ر مووچه‌یێن مه‌ها ئێك به‌لاڤ كر
WAAR-دهۆك:
وه‌زاره‌تا دارایی و ئابۆری یا هه‌رێمێ داخواز ژ هه‌می فه‌رمانگه‌هێن حكومه‌تێ كریه لیستێن مووچه‌ی یێن مه‌ها ئێك یا ئه‌ڤ ساله به‌رهه‌ڤ بكه‌ن.
د راگه‌هاندنه‌كێ دا وه‌زاره‌تا دارایی و ئابۆری یا هه‌رێمێ داخواز ژ هه‌می فه‌رمانگه‌هێن حكومه‌تا هه‌رێمێ كریه ب زووترین ده‌م، لیستێن مووچه‌یێ مه‌ها ئێك یا ئه‌ڤ ساله ره‌وانه رێڤه‌به‌ریا گه‌نجینه‌یێ بكه‌ن، داكو هووربینی و به‌رهه‌ڤی بۆ بهێنه كرن.
لگۆر وێ لیستا به‌ریا نها وه‌زاره‌تا دارایی و ئابۆری یا پارڤه‌كرنا موچه‌یێ مه‌ها دوازده یا سالا بۆری به‌لاڤكری، ئه‌ڤرۆ داوی ب پارڤه‌كرنێ هاتیه و تێ چاڤه‌رێكرن حكومه‌ت ده‌ستكاریێ د پاشكه‌فتكرنا مووچه‌یێن ئه‌ڤ ساله یێن فه‌رمانبه‌رێن هه‌رێمێ دا بكه‌ت.
تُتاح هذه الصورة أيضا في: کوردی