بارزانی کۆنسول و نوونەرێن وەلاتێن بیانی مێھڤان کرن
WAAR-دهۆك:
سەرۆکێ ھەرێما کوردستانێ ب ھەلکەفتا جەژنا نەورۆزێ، کونسۆل و نوونەرێن وەلاتێن بیانی مێھڤان کرن.
بەرپرسێ ئۆفیسا وار ل ھەولێرێ ئاشکرا کر؛ مەسعوود بارزانی، سەرۆکێ ھەرێما کوردستانێ ئەڤرۆ کونسۆل و دپلۆماتکار و نوونەرێن وەلاتێن بیانی ل ھەولێرا پایتەختێ کوردستانێ، ب ھەلکەفتا جەژنا نەورۆزێ مێھڤان کرینە و تا نھا مێھڤاندارییا وان بەردەوامە.
د رۆژا ئێکێ یا نەورۆزێ ژی دا ھەژمارەکا کۆنسولان ل ھەولێرێ ژ لایێ کەسایەتیێن جودا ڤە ھاتبوونە مێھڤانکرن.
کونسولخانە و نوونەراتیێن وەلاتێن بیانی ل بیستی ئادارێ جەژنا نەورۆزێ ل کوردان پیرۆز کربوو و کونسولێ ئەمریکا ب زمانێ کوردی نەورۆز پیرۆز کربوو.
تُتاح هذه الصورة أيضا في: کوردی