پارتی بۆ ئێكهتیێ: ھەڤپەیمانییا ستراتیژی دێ ههموو ئاستەنگان ژناڤبهت
WAAR-دهۆك:
مەکتەبا سیاسییا پارتییا دیموکراتا کوردستانێ چل و دووەمین سالڤەگەرا دامەزراندنا ئێکەتییا نیشتیمانییا کوردستانێ پیرۆزکر.
پارتی د پەیامەکێ دا خوە دا دوپاتی ل ھەڤپەیمانییا دناڤبەرا خوە و ئێکەتیێ و ئالیێن دی دا بۆ گەھشتن ب سەرخوەبوونێ کرییە و دیاركرییه؛ رێکخستن و چاکسازی د حکومەتا ھەرێمێ دا ستوونا سەرکەفتنا گەشەیا ئابۆری نە.
ھەروەسا داخواز ژ ئێکەتیێ کر، سالڤەگەرا دامەزراندنا خوە بکەتە وەستگەھـەک و ھاندەرەک بۆ خەباتا نشتیمانی و سەرخستنا پرۆسەیا ریفراندۆمێ ژ پێخەمەت سەرخوەبوونا کوردستانێ.
مەکتەبا سیاسییا پارتی دا زانین ژی؛ یهكسانی و ھەڤپەیمانییا ستراتیژی یا د ناڤبەرا پارتی و ئێکەتیێ و ھەموو ئالیێن دی یێن کوردستانی دا، رێیەکا راست و دروستە بۆ دیتنا دەرفەت و کارکرنێ بۆ ژناڤبرنا ھەر ئاستەنگەکا ل سەر وێ رێ مای.
تُتاح هذه الصورة أيضا في: کوردی