واشنتۆن تایمز: ھەڤپشکێ ستراتیجی یێ ئەمریکا ل رۆژھەلاتا ناڤەراست کوردستانە
WAAR-دهۆك:
رۆژنامەیا واشنتۆن تایمز یا ئەمریکی راگەھاند؛ ھەپشکێ ستراتیجی یێ ئەمریکا ل رۆژھەلاتا ناڤەراست کوردستانە.
رۆژنامەیا ئەمریکی د گۆتارەکێ دا بەحس ل ئێمناھی و پێکڤەژیانا ئۆلی و نەتەوەیی یا ل ھەرێما کوردستانێ و ھەروەسا رۆلێ وێ د رووبرووبوونا تیرۆرێ دا کریە، ھەرێما کوردستانێ ب تاکە ھێزا ل سەر ئەرد یا ل دژی داعشێ راوەستایی ناڤکر و گۆت: ل سالا ھزار و نەھـ سەد و نۆت و ئێکێ ئەمریکا و ھەڤپەیمانێن ئەورۆپی، کوردستان ژ رژێما ئیراقێ پاراست، ھەرێم بوو جھێ گوھەرینان و بجھئینانا پرەنسیپێن دیمۆکراتیێ ل دەڤەرێ.
ھەروەسا واشنتۆن تایمز بەحس ل پشتەڤانییا ئەمریکا بۆ ھەرێما کوردستانێ ل دەمێن جودا تا دگەھیت ھاتنا داعشێ و گۆت: نھا ژی ئەمریکا پێدڤی ب ھەڤپشکەکێ ستراتیجی ھەیە، ئەو ھەڤپشک ژی کورستانە، ئەگەر ژی بۆ ھەبوونا رۆل و کاریگەرییا وێ ل سەر روودانێن دەڤەرێ ڤەگەراندیە و دوپاتکر، ھەرێما کوردستانێ دکەڤیتە د نیڤا دلێ رۆژھەلاتا ناڤەراست دا، لەو ئەمریکا گەلەک پێدڤی ب ھەڤپشکییا وێ ھەیە.
تُتاح هذه الصورة أيضا في: کوردی