ئسرائیلێ پشتەڤانییا خوە یا فەرمی بۆ دەولەتا کوردستانێ دوپات کر
WAAR-دهۆك:
سەرۆکوەزیرێن ئسرائیلێ د بەیانەکێ دا دوبارە پشەڤانییا خوە بۆ رێفراندۆم و سەرخوەبوونا کوردستانێ راگەھاند.
بنیامێن نەتەنیاھۆ، سەرۆکوەزیرێن ئسرائیلێ د بەیانەکێ دا ب ھەرسێ زمانێن عەرەبی، عبری و ئینگلیزی راگەھاند؛ ئسرائیل پشتەڤانا رێفراندۆم و سەرخوەبوونا کوردستانێ یە، پشتەڤانیێ ژی ل ھەموو بزاڤێن کوردستانییان دکەت بۆ گەھشتنا ئارمانجا خوە و ئاڤاکرنا دەولەتا خوە یا تایبەت.
بەری دو رۆژان ژی ئایلات شاکید، وەزیرا دادا ئسرائیلی پشتەڤانییا وەلاتێ خوە بۆ سەرخوەبوونا کوردستانێ دیار کر بوو و راگەھاند؛ دەولەتا کوردستانێ دێ د بەرژەوەندا وەلاتێ وێ و رۆژئاڤا دا بیت و گۆت: دەم ھاتیە ئەمریکا ژی پشتەڤانیێ ل سەرخوەبوونا کوردستانێ بکەت.
پێشتر چەندین بەرپرسێن حکومەتا ئسرائیلێ و رێکخستن و سازییێن وی وەلاتی ب ئاشکرایی پشتەڤانییا خوە بۆ سەرخوەبوونا کوردستانێ رادگەھینن.
تُتاح هذه الصورة أيضا في: کوردی