پاسپۆرت و كارتا نیشتمانی دەست پێ كر
K24 – ھەولێر
دوای ئەوەی چەند رۆژێك دەرھێنانی پاسپۆرت و كارتی نیشتمانی لەلایەن بەغدا راگیرا، ئەمڕۆ جارێكی دیكە دەستیپێكردەوە و لەمڕۆوە مامەڵەی ھاووڵاتیانی ھەرێمی كوردستان رایی دەكرێت.
عەمید دیدار عومەر، بەڕێوەبەری پاسپۆرتی پارێزگای ھەولێر بە كوردستان24 راگەیاند: “دوای چەند رۆژێك راگیرانی پاسپۆرت لە بەغداوە، ئەمڕۆ شەبەكە ھاتەوە و دەرھێنانی پاسپۆرت دەستیپێكردەوە و لە كاتژمێر 8 سەرلەبەیانی ئەمڕۆ مامەڵەی ھاووڵاتیان رایی دەكرێت و خەڵك جارێكی دیكە دەستیان كردووەتەوە بە مامەڵەكانیان”.
ھەر لەوبارەیەوە عەمیدی مافپەروەر عەبدولرەحمان ئیسماعیل، بەڕێوەبەری رەگەزنامەی پارێزگای ھەولێر بە كوردستان24 گوت: “دوای ئەوەی لە 24/9/2017، لە بەغدا شەبەكە راگیرا و پێیان گوتین كە كێشە ھەیە، دەرھێانی كارتی نیشتمانی لە ھەرێمی كوردستان راگیرا، ئەمڕۆ شەبەكە ھاتەوە و كارتی نیشتمانی دەستیپێكردەوە”.
تُتاح هذه الصورة أيضا في: کوردی