قوباد تهلهبانى: هێشتا دزێن مهزن نههاتينه گرتن
ئهڤرۆ نيوز:
قوباد تهلهبانى، جێگرێ سهرۆك وهزيرێن ههرێما كوردستانێ رۆژا ئێكشهمبى 12ى كانوونا ئێكێ 2017 سهرهدانا دهستهيا دهسپاكيێ كر و د داخۆيانيهكێ دا راگههاند كو ههتا نوكه نهشياينه دزێن مهزن بگرن و گۆت: “هندهك بهرپرس ژ بهرهيێن شهرى درهڤن، چهك و تهقهمهنيان ل بازارى د فرۆشن”.
زێدهتر گۆت: “هێزێن چهكدار كۆم دكهن و خويكێ ژ خهلكى وهردگرن، رۆژنامهڤانان د كۆژن، قاچاخچياتيێ دكهن، د بهرامبهر دا دهێنه سهر شاشێن تلهڤزيۆنان و بهحسێ روو ب رووبوونا گهندهليێ دكهن”.
ئاماژه ب وێ چهندێ ژى كر كو رهوشا ههرێما كوردستانێ بۆ روو ب رووبوونا گهندهليێ ژ دهڤهرێن دى يێن عيراقێ باشتره و گۆت: “پێدڤيه ژ شێوازێن تهقليدى يێن روو ب رووبوونا گهندهليێ دهربكهڤن و حوكمهت و ههموو لايهنێن سياسى پشتهڤانيا دهستهيا دهسپاكيێ بكهن”.
تُتاح هذه الصورة أيضا في: کوردی