داواكارێ گشتی داخوازێ ژ كەنالێن راگەهاندنێ دكت ھاندانا خەلكێ نەدەن بۆ توندوتیژيێ
K24 – ھەولێر
لە نووسراوێكدا كە وێنەیەكی دەست كوردستان24 كەوتووە، سەرۆكایەتی داواكاری گشتی ھەرێمی كوردستان داوا لە دەزگاكانی راگەیاندن دەكات، رەچاوی بەرژەوەندییە باڵاكانی ھاووڵاتیان بكەن و خۆیان بە دوور بگرن لە گواستنەوەی ھەواڵ و زانیاری كە دەبێتە ھۆی توندوتیژی.
لە نووسراوەكەی داواكاری گشتی ھاتووە: “خۆپێشاندەران لە شارۆچكەی پیرەمەگروون، پەلاماری چەند دامودەزگایەكی حكومیانداوە و ئۆتۆمبێلی ھاووڵاتیان سوتێندراوە و راگەیاندنەكانیش راستەوخۆ رووداوەكانیان رووماڵ دەكرد، ئەمەش كاریگەریەكی خراپی لەسەر ھاندانی ھاووڵاتیان بە ئاراستەی توندوتیژی، پێویستە راگەیاندنەكان لە بارودۆخی لەمشێوەیەدا ھاووڵاتیان ھۆشیار بكەنەوە، بە مەبەستی پاراستنی سەرو سامانی ھاووڵاتیان و كەلوپەلی دامودەزگا حكومییەكان”.
داواكاری گشتی داواش لە میدیاكان دەكات: “رەچاوی بەرژەوەندییە باڵاكانی ھاووڵاتیان و دامودەزگا حكومییەكان بكەن و خۆتان دووربگرن لە بڵاوكردنەوەی زانیاری و ھەواڵ بە ئاراستەی بەرپابوونی توندوتیژی و ھێرشكردنە سەر بینا و كەلوپەلەكانی دامودەزگا حكومییەكان و زیانگەیاندن بە سەروسامانی ھاووڵاتیان، كە ھاندانی لەو جۆرە پێچەوانەی یاسای كاری رۆژنامەگەرییە و بەرپرسیارێتی دەخاتە ئەستۆی دەزگاكانی راگەیاندن.
تُتاح هذه الصورة أيضا في: کوردی