سه‌قاناسییا هه‌رێمێ: دێ پێله‌كا به‌فر و بارانێ هه‌رێمێ ڤه‌گریت
WAAR-دهۆك:
رێڤه‌به‌رییا سه‌قاناسی و بیفه‌له‌رزێن هه‌رێما كوردستانێ راگه‌هاند؛ دێ پێله‌كا به‌فر و بارانێ هه‌رێما كوردستانێ ڤه‌گریت و بۆ ده‌مێ چه‌ند رۆژان به‌رده‌وامبیت.
د راگه‌هاندنه‌كێ دا رێڤه‌به‌رییا سه‌قاناسیێ دیاركرییه، رۆژا دوشه‌مبییا بهێت كو دبیته ئێكه‌م رۆژ ژ سالا نوو، هه‌رێما كوردستانێ دێ كه‌ڤیته به‌ر پێله‌كا پاله‌په‌ستۆیا توركیا و دێ بیته ئه‌گه‌رێ داكه‌ڤتنا پله‌یێن گه‌رمێ و به‌فر و باران دێ ل پترییا باژارێن هه‌رێمێ بارن.
دیار ژی كرییه، به‌فر دێ ل پترییا ده‌ڤه‌رێن چیایی باریت و ل ده‌ڤه‌رێن چیایی یێن پارێزگه‌ها دهۆكێ دێ ژ ده‌ڤه‌رێن دی پتر به‌فر باریت و تا ئێڤارییا رۆژا چار شه‌مبی به‌رده‌وامبیت.
تُتاح هذه الصورة أيضا في: کوردی