دھۆک دێ بتە پایتەختێ گەشتیاری
باسنيوز:
رێڤەبەرێ گشتی یێ گەشت و گوزاری ل پارێزگەھا دھۆکێ دیارکرکو پارێزگەھا دھۆک دێ بیتە پایتەختێ گەشت و گوزاری ل ھەرێما کوردستانێ دڤان پێنچ رۆژێن بۆرێدا سەرەرایێ سزایێن حکومەتا عێراقی بۆ سەر ھەرێما کوردستانێ و دائێخستنا فرۆکەخانە 12 ھزار گەشتیار یێن ھاتینە دھۆکێ.
عوبەیدولڵا داود، رێڤەبەرێ گشتی یێ گەشت و گوزاری ل پارێزگەھا دھۆکێ، بۆ (باسنیوز) دیارکر: “دھۆک دێ بیتە پایتەختێ گەشتوگوزاری ل ھەموو رۆژ و دەمێن سالیێ دێ گەشتیار قەستا دھۆکێ کەن، چونکو ل دھۆکێ سەدان جھێن گەشتیار ھەنە وەکو شرانش، سەرسنگی، ئامیدیێ، سولاڤ، ئاشاوا و ئاکرێ، ژی چەندین جە و دەڤەرێن خوە ھەنە وگەلەک شکەڤت وجھێن دیرۆکێ ل دھۆک ھەنە، وەکو شکەڤتا ئینشکی و گەلیی دھۆک وگەلیی قیامەتی لەورا ھەموو ھەولدان دھێنە کرن دھۆک بیتە پایتەختێ گەشتیاری ل کوردستانێ”.
خۆیا ژی کر: “گەشتیار ژ گەلەک جە و دەڤەران قەستا دھۆکێ دکەن وەکو پارێزگەھێ ناڤەراست وژێریا عێراقی و تورکیا ب رێکا دەرگەھێ سنۆری یێ ئیبراھیم خەلیل و سووریا ب رێکا فیشخابیری”.
تُتاح هذه الصورة أيضا في: کوردی