نێچیرڤان بارزانی: گاڤێن پێدڤی ژبۆ چارەکرنا کێشەیێن هەولێر و بەغدایێ ماینە
WAAR-دهۆك:
سەرۆکوەزیرێ هەرێما کوردستانێ و هنارتییێ نەتەوەیێن ئێکگرتی بۆ ئیراقێ کۆم بوون و دوپاتی ل گرنگیا دانوستاندنێن هەولێر و بەغدایێ کر.
نێچیرڤان بارزانی، سەرۆکێ جڤاتا وەزیرێن حکومەتا هەرێما کوردستانێ ئەڤرۆ پێشوازی ل یان کۆبیش، هنارتیێ تایبەت یێ سکرتێرێ گشتی یێ نەوتەوەیێن ئێکگرتی و جێگرا وی یا نوو ئێلیس والبۆڵ کر و دانوستاندنێن ڤێ دوماهیێ یێن هەولێر و بەغدا ل سەر ئاستێ سەرۆکوەزیرێن هەردو ئالییان گۆتوبێژ کرن و ب دەستپێکەکا باش بۆ دانوستاندنێن رژد یێن چارەکرنا کێشان دانە زانین.
د کۆمبوونێ دا یا کۆبیشی ئامادەبوونا خوە بۆ هەر هاریکارییەکا پێتڤی بۆ لهەڤنێزیککرنا کوردستانێ و ئیراقێ، ب تایبەتی ل سەر پرسا مووچەیێن فەرمانبەرێن هەرێما کوردستانێ و ڤەکرنا فرۆکەخانەیێن هەولێر و سلێمانیێ دیار کر.
سەرۆکوەزیر بارزانی ژی سوپاسیا هنارتیێ تایبەتێ نەتەوەیێن ئێکگرتی بۆ کارێ وی یێ ناڤبەینکاریێ کر و راگەهاند: هێشتا گەلەک گاڤێن پێدڤی ژبۆ چارەکرنا کێشەیێن هەولێر و بەغدایێ مانیە.
تُتاح هذه الصورة أيضا في: کوردی