تورکیا: عەفرینێ رادەستی حکومەتا سووریێ ناکەین
WAAR-دهۆك:
پەیڤدارێ حکومەتا تورکیا ئەڤرۆ راگەھاند؛ ئۆپەراسیۆنا عەفرینێ تەل رەفعەت ژی ب خوە ڤە دگریت، و عەفرینێ ژی رادەستی حکومەتا سووریێ ناکەن.
ئیبراھیم کالن، پەیڤدارێ حکومەتا تورکیا ئەڤرۆ د گۆتارەکێ دا سەبارەت ئۆپەراسیۆنا وان لسەر عەفرینێ راگەھاند؛ ئۆپەراسیۆن بەردەوامە و ناڤچەیا تەل رەفعەت ژی ب خوە ڤە دگریت، و ب گۆتنا وی، تورکیا نا راوەستیت تاھەموو سنۆرێن وەلاتێ خوە ژ تیرۆرستان پاقژ بکەت.
خویا ژی کر، تورکیا عەفرینێ رادەستی حکومەتا سووریێ ناکەت، بەلکو دێ وی باژاری رادەستی خەلکێ وێ ب خوه كه‌ت.
کالن سەبارەت ھەبوونا پەکەکی ل شنگالێ راگەھاند؛ ئەنقەرە لدۆر ڤەکێشانا پەکەکێ ل شنگالێ یا پشت راست نینە لێ دێ لێکۆلینێ کەت و حکومەتا ئیراقی ژی ژ رەفتارێن پەکەکێ یا دلگرانە، لێ یا پێدڤییە ئیراق رێگریێ لێ بکەت.
سەبارەت داوی ھەلوەستێ فەرەنسا ل دۆر باژارێ منبج پەیڤدارێ حکومەتا تورکیا راگەھاند؛ نابیت پاریس ھەمان شاشییا واشنتۆنێ دوبارە بکەت، و ئاشکراکر، فەرەنسا چو ھێزەک رەوانەی منبجێ نە کرییە.
تُتاح هذه الصورة أيضا في: کوردی