ناوێرت: رێككەفتنا ھەولێر و واشنتن بەردەوامە
K24 – ھەولێر
گوتەبێژی وەزارەتی دەرەوەی ئەمریكا ئاشكرای دەكات، واشنتن ئاگادار بووە له هێرشى فڕۆكه جه‌نگییه‌كانى عێراق له سووریا، ئاماژەی بەوەشدا رێككه‌وتنی هه‌ولێر و به‌غدا، بۆ له‌ناوبردنی داعش و پارێزگاریكردن له مووسڵ، به‌رده‌وامه.
ھێزەر ناوێرت، گوتەبێژی وەزارەتی دەرەوەی ئەمریكا لە كۆنگرەیەكی رۆژنامەوانیدا رایگەیاند: “لەم دواییانه‌دا جۆن سولیڤان، جێگرى وه‌زیری ده‌ره‌وه سه‌ردانی عێراقی كرد و له‌گه‌ڵ ژماره‌یه‌ك له به‌رپرسان كۆبووه‌وه، لە سەردانەكەدا سولیڤان چاوی به سه‌رۆكوه‌زیرانى هه‌رێمى كوردستان كه‌وت و له‌باره‌ى به‌رده‌وامیدان به‌شه‌ڕى داعش و پاراستنى مووسڵ، رێككه‌وتن كراوە”.
ئەو لێدوانەی وەزارەتی دەرەوەی ئەمریكا دوای ئەوە ھات، دوێنێ حكوومەتی عێراق بە فەرمی رایگەیاند، فڕۆكەكانی ئێف16ی عێراق داعشیان لە دیوی سووریا بۆردومان كردووە.
تُتاح هذه الصورة أيضا في: کوردی