پێنتاگۆن: ھێرشا تورکیا ئەگەرێ ئازادبوونا داعشییانە و ئەردۆگان بەرپرسە
WAAR-دهۆك:
وەزارەتا بەرگرییا ئەمریکا، ئەردۆگان ب بەرپرسیارێ کارڤەدانێن ھێرشا ل سەر رۆژئاڤایێ کوردستانێ ھەژمارت و ئەو ھێرش ب ئەگەرێ ئازادکرنا داعشیێن گرتی دا زانین.
د بەیاننامەیەکێ دا مارک ئێسپەر، وەزیرێ بەرگرییا ئەمریکا راگەھاند: تورکیا بێ گوھدانا ھوشداریێن ھەرێمێ و جیھانی، ھێرشەکا تاکئالیانە کرە سەر رۆژئاڤایێ کوردستانێ و سەقامگیری و ئێمناھیا دەڤەرێ ئێخستە مەترسیێ.
دیار ژی کر: ئەردۆگان بەرپرسیارە ژ کارڤەدانێن ھێرشێ بگرە ژ ئازادکرنا گرتیێن داعشێ و ڤەگەریانا وێ رێکخستنێ، زێدەباری تاوانێن شەری و کارەساتێن مرۆڤی، ھەروەسا پەیوەندیێن ئەمریکا و تورکیا ژی تێک برن.
وەزیرێ بەرگرییا ئەمریکا دا زانین ژی ل حەفتیا بھێت دێ لگەل وەزیرێ بەرگرییێن ئەندامێن ناتۆیێ ژی کۆمبیت داکو زێدەتر فشاران بێخیتە سەر تورکیا و ئەگەرێن ڤەکێشانا سەربازێن وەلاتێ خوە ژ کەمەرا سنۆری یا لگەل تورکیێ، بۆ مەترسیا راستەقینە یا ل سەر وان ڤەگەراند.
تُتاح هذه الصورة أيضا في: کوردی