ئیراق دێ هەموو کەمپێن ئاوارەیان گرت
گاڤ نیوز:
وەزارەتا کۆچ و کۆچبەرێن ئیراقێ بریارا گرتنا هەموو کەمپێن ئاوارە و پەنابەران دا و بریار ژ هەرێما کوردستانێ ناگریت.
ژمارەیا ئاوارە و پەنابەران ل ئیراقێ پتری 5 ملیۆن و 500 هزار کەسانە و نێزیکی ملیۆن ئیراقیان ژی ژ پشتی سالا 2014 کۆچبەری دەرڤەی وەلاتی بووینە.
ئیڤان فایق، وەزیرا کۆچ و کۆچبەران ل ئیراقێ راگەهاند، ل گۆری پلانا حکومەتا ئیراقێ، تا دەستپێکا سالا 2021 هەموو کەمپێن ئاوارەیان دێ هێنە داخستن و ئاوارە بۆ دەڤەرێن وان هێنە ڤەگەراندن.
هەروەسا گۆت: بریار ژ هەرێما کوردستانێ ناگریت و کەمپێن هەرێمێ دێ میننە ڤەکری.
ل گۆری رێکخستیێن مافێن مرۆڤی، نابیت ئاوارە ب زۆری ژ کەمپان بهێنە دەرخستن و پێدڤیە بەری گرتنا کەمپان، دوبارە ژیان ل دەڤەرێن وێرانکری دەستپێ بکەت.
تُتاح هذه الصورة أيضا في: کوردی