سەرۆک بارزانی: شیعه و سوننهیان خهنجهرهك ل پشتا گهلێ كورد دا
گاڤ نیوز:
سەرۆک مەسعوود بارزانی پەیامەک دەربارەی بریارا پەڕلەمانێ ئیراقێ یا گرێدایی وەرگرتنا قەران بەلاڤ کر و راگەهاند: شیعە و سوننەیان خەنجەرەک ل پشتا گەلێ کورد دا.
سەرۆک بارزانی ل دەمێ سەرۆکاتیا هەرێمێ ژی تا رێفراندۆما سەرخوەبوونا کوردستانێ، بهردهوام داخواز ژ شیعە و سوننەیان دکر، شەراکەتێ بپارێزن.
د پەیاما ئەڤرۆ دا سەرۆک بارزانی گۆتیە “جهێ داخێ یە کو جارەکا دی لایەنێن سیاسی یێن ئیراقێ ب سونە و شیعە ڤە ل جڤاتا نینەرێن ئیراقێ خەنجەرەک ل پشتا گەلێ کوردستانێ دا و بودجە و رزقێ خەلکێ کوردستانێ وەک کارتەکا فشارێ دژی هەرێما کوردستانێ بکارئینان.”
هەروەسا د پەیامێ دا دەستخۆشی ل ئێکدەنگیا لایەنێن کوردی ل جڤاتا نینەرێن ئیراقێ کریە و داخواز کریە، پەرلەمان، سەرۆکاتی، و حکومەتا هەرێما کوردستانێ پێکڤە ل سەر ڤی بابەتی کۆم ببن، بریارەکێ ل ئاستێ بەرپرساتیا چارەکرنا کێشەیان و پاراستنا کەرامەتا مللەتێ کورد بدەن و سنۆرەکی بۆ وان رەفتاران بدانن یێن ئارمانج ژێ سزادانا گهلێ کوردستانێ.