“ههفتيا داھاتى ل دھۆکێ کۆنفڕانسهك ل دۆر پێکڤەژیانێ دێ ب ڕێڤەچت”
دهۆک -KDP.info-
بڕیارە حەفتەی داھاتوو لە شاری دھۆک کۆنفڕانسێک لەبارەی پرسی پێکەوەژیان بەڕێوە بچێت و بەڕێوەبەری گشتیی ئەوقاف و کاروباری ئایینیی دھۆکیش دەڵێ، کەسانی شارەزا لە ھەموو پێکھاتەکان بەشداریی کۆنفڕانسەکە دەکەن.
محەمەد خالید محەمەد، بەڕێوەبەری گشتیی ئەوقاف و کاروباری ئایینیی پارێزگای دھۆک، بە ماڵپەڕی فەرمیی پارتی دیموکراتی کوردستانی ڕاگەیاند: “بڕیارە لە ڕۆژی دووشەممەی حەفتەی داھاتوو کۆنفڕانسێک لەبارەی پێکەوەژیان لە شاری دھۆک بەڕێوە بچێت و تێدا پرسی پێکەوەژیان لەو کۆنفڕانسەدا خرێتە ڕوو ژمارەیەک بەرپرس و کەسانی شارەزا لەبارەی پێکەوەژیان بەشداری دەکەن و چەندین چالاکی لە چوارچێوەی بەڕێوەچوونی کۆنفڕانسی پێکەوەژیان ئەنجام دەدرێن.”
محەمەد خالید محەمەد ڕوونی کردەوە: “کۆنفڕانسەکە بە ناونیشانی (پێکەوەژیان، بنیادی ئارامی و ئاوەدانی و نیشتەجێبوونە) بەڕێوە دەچێت، چونکە ھەرێمی کوردستان وڵاتی نەتەوە و ئایینە جیاوازەکانە و سەدان ساڵیشە بەبێ کێشە و ئاستەنگ پێکەوە دەژین و ھەرێمی کوردستان بووەتە نموونەی پێکەوەژیان لەسەر ئاستی ناوچەکە و جیھان.”
تُتاح هذه الصورة أيضا في: کوردی