وهزارهتا ناڤخۆ: ئهڤساله 56 كهس د ئاڤێ دا خهندقینه
گاڤ
وهزارهتا ناڤخۆ یا حكومهتا ههرێما كوردستانێ راگههاند، د ههیاما ئهڤساله دا 56 كهس د ئاڤێ دا خهندقینه و ب ههڤبهركرن ل گهل پار خهندقین زێده بوویه.
دوهى وهزارهتا ناڤخۆ یا حكومهتا ههرێما كوردستانێ ل گهل سازیێن فهرمى كۆمبوو بۆ وێ یهكێ هندهك رێكارێن نوو بۆ بهرهنگاربوون و رێگریگرتن ل روودانێن خهندقینێ بگرنه بهر و سازى هاتنه راسپاردن بۆ خواندنا ئهگهران و ههروهسا ههلاویستنا تابلۆیێن ئاگههداركرنێ ب زانیاریێن هویر ل جهێن گهشتیارى یێن ب ئاڤ و هۆشیاركرنا گهشتیار و وهلاتیان ل سهر مهترسیێن مهلهڤانیان ل وان جهان.
هێمن میرانى، رێڤهبهری گشتى یێ وهزارهتا ناڤخۆ یا حكومهتا ههرێما كوردستانی راگههاند، د ههیاما 6 مههێن بۆرى یێن ئهڤساله دا 56 كهس د رۆبار و دهریاچهیێن ههرێما كوردستانێ دا خهندقینه.
ههروهسا گۆت ژى: ب ههڤبهركرن ل گهل پار رێژه زێدهبوویه و سالا بۆرى د ههیاما ههر 12 مههان دا 77 كهس خهندقی بوون.
تُتاح هذه الصورة أيضا في: کوردی