دیـندار زێباری: سیستەمێ دادوەرییا هەرێما کوردستانێ دەسهەلاتا زێدەتر پێ هاتیە دان
باسنيوز:
رێکخەرێ ڕاسپاردێن ناڤدەولەتی ل هەرێما کوردستانێ راگەهاند، د کابینا نەهێ یا حکوومەتا هەرێما کوردستانێدا پلان بۆ بەرفرەهکرنا دەسهەلاتا دادوەریێ هەیە بۆ هندێ کۆ کەس ژ یاسایێ بلندتر نەبیت.
ئەڤرۆ پێنجشەمبی 15/11/2023، دیندار زێباری، ڕێکخەرێ ڕاسپاردێن ناڤدەولەتی ل هەرێما کوردستانێ ئاماژە ب وێ کر کۆ د سالا 2020دا هەتا 2023 ل هەرێما کوردستانێ زێدەتر ژ 22 یاسایان هاتینە هەموار کرن، نوکە ژی ل دیف کارناما کابینا نەهێ پلانا هەرێمی بۆ گەشەپێدان و پشتەڤانیا زێدەتر ژ دەسهەلاتا دادوەری دهێتەکرن.
گوتژی: هەمی ئامانج و پلانێن مە دڤی چارچوڤێدا بۆ هندێ یە کۆ کەس ژ یاسایێ بلندتر نەبیت، هەمی تاوانبارەک سزایێ یاسایی یێ تاوانا خوە وەربگریت.
دیندار زێباری ڕوون ژی کر: هەرێما کوردستانێ بزاڤا نەهێلانا جوداهییا ڕەگەزی و ئاینی و ڕەنگی کریە ژبەرکۆ هەمی جۆرە پێکهاتەیەک دڤێ هەرێمێدا ئاکنجینە.
دەربارێ وان تاوانان ژی کۆ پێداگریێن زۆر ل سەر هەنە، دیندار زێباری گوت: هەتا نوکە 200 تیرۆرستێن داعش هاتنە دادگەهی کرن و بزاڤێ دکەین کۆ سزادانا تاوانبارێن تاوانێن مرۆڤی بلەزتر بیت، بەلێ مە پێتڤی ب هاریکارییا عێراقێ و ولاتێن دی هەیە.
ل دوماهیێ دیندار زێباری گوت: مە دڤێت مامەلەیێن زێدەتر یێن ولاتیان بهێنە بەردەم دادگەهێ، هەروەسا تۆمارکرنا سکالایا ل توندوتیژیێ زێدەتر بیت.
تُتاح هذه الصورة أيضا في: کوردی