شاندێ ههرێما كوردستانێ ل دۆر مووچهی و بودجهى ل گهل سوودانى كۆمبوو
گاڤ
كۆمبوونا شاندێ حكومهتا ههرێما كوردستانێ ل گهل سهرۆكوهزیرێ ئیراقێ ل دۆر مووچهیێن فهرمانبهرێن ههرێمێ و پشكا ههرێمێ ژ بودجهیا ئیراقێ ب دویماهیك هات.
ل گۆرهى زانیاریان؛ بهرى دهمهكێ كێم كۆمبوونا شاندێ حكومهتا ههرێما كوردستانێ ل گهل محهمهد شیاع سوودانى سهرۆكوهزیرێ ئیراقێ ب دویماهیك هات و د نوكه دا شاندێ ههرێمێ ل گهل شاندهكێ حكومهتا فیدرالى د كۆمبوونێ دایه.
شاندهكێ حكومهتا ههرێما كوردستانێ ئهڤرۆ دوشهمبیێ ب سهرۆكاتیا ئاوات شێخ جهناب وهزیرێ دارایى و ئابوورى، ئومێد سهباح سهرۆكێ دیوانا جڤاتا وهزیران، ئامانج رهحیم سكرتێرێ جڤاتا وهزیران، عهبدولحهكیم خهسرۆ سهرۆكێ فهرمانگهها ههماههنگى و دویڤچوونێ و خالد هادى چاوشلى شیرهتكار ل جڤاتا وهزیران بهرهڤ بهغدا برێكهفتبوون.
ل گۆرهى زانیاریان، ئارمانجا سهرهكى یا سهرهدانا شاندێ ههرێمێ بۆ بهغدا بهحسكرنا هنارتنا مووچهیێن فهرمانبهرێن ههرێما كوردستانێ یه بۆ ههیڤێن 10 و 11 و 12، ل دهمهكێ ژڤانه ل دویماهیا ڤێ ههیڤێ 700 ملیار دینارێن بهغدا ژ بۆ مووچهیێن فهرمانبهرێن ههرێمێ یێن ههیڤا 9 بگههن.
ههروهسا بهحسكرن ل ههمواركرنا یاسایا بودجهیا گشتى یا ئیراقێ ئێك ژ تهوهرێن دى یێن كۆمبوونێ یه.
تُتاح هذه الصورة أيضا في: کوردی