سوودانی جەژنا نەورۆزێ ل گهلێ کورد پيرۆز کر
باسنيوز:
سەرۆک وەزیرێن عێراقێ، د پەیامەکێدا پیرۆزباهییا جەژنا نەورۆزێ ژ خەلکێ کوردستانێ کر و گووت: “گەرمترین پیرۆزباهیێ ئاراستەی گەلێ کوردێ عەزیز ل هەرێما کوردستانێ و هەمی خەلکێ عێراقێ دکەم.”
ئەڤرۆ پێنجشەمبی 21/3/2024، محەمەد شیاع سوودانی، سەرۆك وەزیرێن عێراقێ، د پەیامەكێدا كۆ ب هەلکەفتا جەژنا نەورۆزێ بڵاڤکریە، راگەهاند: “گەرمترین پیرۆزباهییان ئاراستەی گەلێ کوردێ عەزیز ل هەرێما کوردستانێ و هەمی خەلکێ عێراقێ دکەم، ب وێ ئومێدێ مە کۆ ئەڤ هەلکەفتا مەزن ببیتە بدەستڤە هاتنا پاشەرۆژەکا گەش.”
بەحسا وێ ئێکێ كر: “ئەڤ هەلکەفتە بیرامە دئینیت کۆ هیچ جێگرەک بۆ کارێ پێکڤەیی نینە، بلندڕاگرتنا بەهایێن هەڤبەش و ئێکچارەنڤیسی و ئەو داهاتێ کۆ پێکڤە دێ نەخشینین ل سەرانسەرێ عێراقێدا.”
هەر د پەیاما خودا، سوودانی گۆت: “نەورۆز جارەکا دی هەمی پارچێن ولاتێ مە بسەر دکەت، ڕۆلێن مە ژی بەردەوامن ل کارکرن و بونیاتنان و مۆکۆمکرنا پێنگاڤێن بۆ بدەسڤەدانا خواست و ئارمانجێن هەڤبەشێن گەلێ عێراقێ.”
سەرۆک وەزیرێن عێراقێ پیرۆزباهییا ئاراستەی تەمامیا گەلێن دەڤەرێ دکەت کۆ ڤێ جەژنێ دکەن و ئاماژە ب وێ کر: “ب وێ ئومێدێ مە خودێ سەقامگیریێ بۆ مە ڤەگەرینیت.”
تُتاح هذه الصورة أيضا في: کوردی