رێڤەبەرێ گشتى یێ کاروبارێن ئێزدیان دياركر، گرۆپێن توندڕەو مەترسیەکا مەزن ل سەر ئێزدیێن سووریێ دروستكريه و گۆت: “پێدڤیە ئێزدی بێنە پاراستن ژ دەستێن ڤان گرۆپان”.
ل رۆژا پێنج شه‌مبوويێ 5-12-2024ێ، سعوود مستۆ، رێڤەبەرێ گشتى یێ کاروبارێن ئێزدیان بۆ سه‌ما راگه‌هاند: ژ نێزيك ڤه چاڤدێريا ره‌وشا ئێزديان ل باژێرێ حه‌له‌بێ دكه‌ين و ئەم ل سەر هێلین دگەل میرێ ئێزدیان و کونسلخانەیێن هەموو وه‌ڵاتان و حکومەتا هەرێمێ و حکومەتا عيراقێ بۆ پاراستنا ئێزدیان ل سووریێ.
ئاشكراكر:” گرۆپێن توندڕەو مەترسیەکا مەزن ل سەر ئێزدیێن سووریێ دروستكريه و پێدڤیە ئێزدی بێنە پاراستن، داکو نەئێنە جینۆسایدکرن”.
ل باژێرێ حه‌له‌بێ دۆرێن پێنج هه‌زار كۆچبه‌رێن ئێزدى ئاكنجى بوون، ژ ئه‌نجامێ هێرشا گرۆپێن چه‌كدار يێن سه‌ر ب توركيا ڤه، بۆ سه‌ر و باژێرى، ب هه‌زاران وه‌لاتيێن كورد و دناڤدا ئێزدى ئاواره‌بوون.
ل هه‌فتيا بۆرى، گرۆپێن چەکدار ل باکورێ سووریێ هێرش ل دژی رژێما سووری دەستپێکرینە و تا نۆکە شەڕ د ناڤبەرا هەردو ئالییان دا بەردەوامە.
تُتاح هذه الصورة أيضا في: کوردی