ل هه‌ولێرێ بارزانی پێشوازیا پاتریاکێ ئەنتاکیا کر
وار
مەسعوود بارزانی، سەرۆکێ ھەرێما کوردستانێ، پێشوازی ل قەداسەتا پاتریاک (مار ئێگناتیۆس ئەفرامێ دویێ)، پاتریاکێ ئەنتاکیا و سریانێن رۆژھەلاتا ناڤین و ھەموو جیھانێ کر.
د دیدارەکێ دا، پاتریاکێ ئەنتاکیا سوپاسیا بارزانی کر، بۆ پاراستنا مەسیحییان و پاشەرۆژەکا گەش بۆ کوردستانێ خواست، داخواز ژی ژ بارزانی کر، دەڤەرێن مەسیحییان یێن ل ژێر دەستێ داعشێ بھێنە رزگارکرن.
بارزانی ژی بۆ شاندێ ناڤبری دوپات کر؛ کوردان و مەسیحیان و ھەمی پێکھاتەیێن کوردستانێ چارەنڤیسەکێ ھەڤپشک ھەیە، پێدڤییە ژی ب پێکڤە بمینن و کەس ھزر ل بجھـ ھێلانا وەلاتێ خوە نەکەت.
مەسعوود بارزانی دوپاتی ل رزگارکرنا ھەموو دەڤەران و ژناڤبرنا تیرۆرستان و رزگارکرنا مووسلێ کر، ئاماژە ژی دا، پێدڤییە بەری رزگارکرنا مووسلێ ماف و ئەرکێن ھەمی ئالییەکێ بھێنە دیار کرن و بۆ قۆناغا پشتی داعشێ ژی رێککەفتن ھەبیت کو ژیانا پاشەرۆژا ھەمی پێکھاتەیان بھێتە گرەنتیکرن.
تُتاح هذه الصورة أيضا في: کوردی