ترۆمبێلهك نێزیكی 37 سالانە ل دهڤ كهسهكی هاتیە پاراستن !
ئێن ئارتى
ل ناحیا شێلادزێ یاسهر ب قهزا ئامێدیێ ئێكهم ترۆمبێلا ژجورێ كرونا ژكومپانیا تویوتا ل سالا ١٩٨٠ێ هاولاتیهكێ بناڤێ محمد تاهر ژبهندهرێ (ام قهصر) ل پارێزگهها بهسرا ئینایه شێلادزێ.
محمد تاهر د دیدارهكا تایبهت دا بو دیجیتاڵ میدیایا ئێن ئاڕ تی ئهو چهندە دیاركریه، كو ل سالا ١٩٧٩ێ ل كومپانیا تویوتا ناڤێ خو توماركربوو ژبوی وهرگرتنا ترۆمبێلهكا كرونا، و ل مهها شهشا سالا ١٩٨٠ێ وهكو ئهو بخو دبێژیت، ئهز چومه پارێزگهها بهسرا و پاشان ل بهندهرێ ئوم قهسر من ترۆمبێل وهرگرت بهرامبهر سێ هزار و ٧٥٠ دیناران كو ل دهسپێكی من دوو هزار دینار دابوونە كومپانیێ و ل سالا دویڤدا هزار و ٧٥٠ یێن مایێ من گههاندنه كومپانیێ كو ل وی دهمی ل باژێرێ موسلێ بوو.
دەربارێ وان سالێن دگهل ترۆمبێلێ ناڤبری گۆت، پشتی نێزیكی ٣٧ سالا تانوكهژی كار دكهت وههمی كهل و پهلێن وێ ژی هێشتا یێن وی دهمی نه ئانكو چ تشتهكێ وێ نههاتیه گوهارتن.
محمد تاهر ئهوژی دایه زانین، كو ئهڤه ئێكهم ترۆمبێل بوو ژ ڤی جوری من ئینایه ناحیا شێلادزێ كو ل وی دهمی چ ترۆمبێلێن كورنا نهبوون.
تُتاح هذه الصورة أيضا في: کوردی