ترسا ژ برسا مرنێ ل سەر 20 ملیۆن کەسان ھەیە
WAAR-دهۆك:
نەتەوەیێن ئێکگرتی بزاڤێن کۆمکرنا پتری چار ملیار دۆلاران بۆ زێدەکرنا پشتەڤانییان ژبۆ سڤیلێن یەمەن و چەند وەلاتێن ئەفریقی دکەت.
ئەنتۆنیۆ گۆتیرێز، ئەمیندارێ گشتی یێ نەتەوەیێن ئێکگرتی راگەھاند؛ نێزیکی بیست ملیۆن وەلاتیێن سڤیل ل یەمەن، باشۆرێ سوودانێ، سۆمال و نایجێریا پێدڤی ب ھاریکاریێن مرۆڤاتی یێن بلەز ههنه و گەر ھاریکاری نەگەھنێ، دێ ژ برسان دا مرن.
گۆتیرێزی خۆیا ژی کر؛ پێنج پۆینت شەش ملیار دۆلار بۆ دابینکرنا وان ھاریکارییان پێدڤی نە و داکو چو کارەساتێن مەزن روو نەدەن، دڤێت پتر ژ چار ملیار دۆلاران، تا داوییا ڤێ مەھێ بھێنە کۆم کرن.
رێکخستنا خوارنێ یا ناڤدەولەتی ل دەستپێکا ڤێ ھەفتیێ راگەھاندبوو؛ گەر ھاریکاریێن پێدڤی نەگەھنە وان بیست ملیۆن سڤیلان، د شەش مەھێن بهێت دا دێ پڕانییا وان ژیانا خوە ژ دەست دەن.
تُتاح هذه الصورة أيضا في: کوردی