بۆ چارەسەرکرنا ئاریشا بێ خەوی یێ ڤێ ڤەخوارنێ ڤەخۆ و ئەنجامی ببینە
نوش نيوز:
ھەکە تە ئاریشە دگەل نە نڤستنێ و بێ خەوی یێ ھەیە ل شەڤێ، دڤێت بزانی کو کارتێکرنێن نەرێنی یێن زۆر ھەنە ل سەر ساخلەمیا تە. دڤێت ب زوترین دەم چارەسەریا ڤێ ئاریشێ بکەی ژبۆ ھەبوونا شیان و ساخلەمیەکا باشتر.
ئەگەرێن نە رێکوپێکی یا نڤستنێ و بێ خەوی یێ دبیت د جیاواز بن لێ د پتریا حالەتان دا فشار (سترێس)، ھزرکرن، دوودلی، و خەموکی یە. دیسان ل دویڤ ڤەکولینەکا نوی دیاربویە کو روناھیا لاپتوپ و موبایلا ژی کارتێکرنێ ل خەوێ دکەت، ئەڤجا یا پێدڤی یە بەری نڤستنێ ب کێمی ٢٠ خولەکان موبایلێ بکارنەئینی.
بێ خەوی دشێت بھێتە چارەسەرکرن ب وەرگرتنا دەرمانان وەک ئارامکەر یان دەرمانێن خەوێ، لێ ئەڤ دەرمانە دبیت ل دەستپێکێ ببنە ئەگەرێ گێشبوونێ و ل دووڤدا خەموکیێ و زۆر چوونا دەست ئاڤێ، کو گەلەک کاریگەری یێن نە باش ھەنە و مفایێ وان یێ کاتی یە.
ئامادەکرنا چایا موزێ:
ئەڤ ڤەخۆارنا ب تام و سروشتی چارەسەریەکا کاریگەرە بۆ نە رێکوپێکی یا نڤستنێ. بتنێ تو پێدڤی ١٠ خولەکانی بۆ ئامادەکرنا ڤەخۆارنێ، پێدڤی یە ھەر شەڤ بەری نڤستنێ ب دەمژمێرەکێ ڤەخۆی.
پێدڤیاتی:
– ١ موز
– ١ ئامانێ بچووک یێ ئاڤێ
– پیچەک دارچین (نە سەرەکی یە)
موزێ سپی کە و بکەلینە د ئاڤێ دا بۆ ماوێ ١٠ خولەکان، پاشی ب پالێوە و دەمێ دکەیە پەرداخی بۆ ڤەخۆارنێ دشێی پیچەک دارچینێ پێ وەرکەی بۆ ھەبوونا تامەکا خوشتر.
تُتاح هذه الصورة أيضا في: کوردی