كارئینانا مۆبایلێ ل دەمێ روونشتن دگەل هەڤالان دا یا مەترسیدارە
نۆش نیوز
ل دووڤ ڤەکولینەکا نوی یا ئەمریكی، ب كارئینانا مۆبایلێ ل دەمێ كۆمبوون و روونشتنێ دگەڵ هەڤالێن خوە دا ، کارتێکرنێن مەترسیدار یێن جڤاکی و ساخلەمیێ ژێ پەیدادبن.
ل دووڤ وێ ڤەکولینێ كو ل زانكۆیا جۆرجیا ل ئەمریكا هاتیە ئەنجامدان، ب كارئینانا مۆبایلێ ل وان دەمان دا، ژبلی کو پشتگوهستنا هەڤالانە د بەرژەوەندیا تۆڕێن جڤاکی دا كو دبێژنێ “فۆبینگ”، كاریگەریێن مەترسیدار ژی ل سەر پەیوەندییان هەنە.
دیارکریە ژی، ڤەکولین ل سەر 472 قوتابیان هاتیە کرن و دەركەڤتی یە ئەوێن کو هەڤالێن خوە ژ پێخەمەت مۆبایلێن خوە پشتگوهـ دئێخن و زێدەتر ژپێدڤیێ ب كار دئینن خەمۆكی و نیگەرانیا وان یا جڤاکی زێدەدکەت و بەردەوام ژی پشتگوه ئێخستنا هەڤالان زێدە دكەت.
ل دووڤ هەمان ڤەکولین، ئەو كەسێن كو وان پێخۆشە زێدەتر ل تۆڕێن جڤاکی پەیوەندی هەبن وەك وان یێن رووبەڕووی هەبیت، نیگەرانیا جڤاکی زێدەترە و ئەڤەژی كاریگەریێ ل سەر ئاستێ توڕەیی و دان ب خوە کێم دکەت، ئەوێن نیگەرانیا جڤاکی و خەمۆكی هەبن زێدەتر ئەگەرێ ئالودەبوونێ ب مۆبایلێ هەنە،
پشتراست ژی کریە، ئەو كەسێن زێدەتر دناڤ جڤاکی دا دهێنە قەبووڵ كرن، کێمتر ئالودەی مۆبایلان دبن ل دەمێ دگەل هەڤالێن خوە كۆم دبن، هەروەسا زێدەتر هەڵوێستێن جوان و هاریكاری و كارڤەدان هەنە د پەیوەندیێن جڤاکی دا.
تُتاح هذه الصورة أيضا في: کوردی