نڤیسینگەها لالش مەهەتێ خۆلەكا رەوشەنبیری بۆ 25 قوتابیان ڤەكر
تۆرا لالش یا راگەهاندنێ
ل رێككەفتی 8نیسانێ،د درێژییا بەرنامێ خۆ دا بۆ پشتەڤانیا قوتابیان و بلندكرنا ئاستێ زانستی و رەوشەنبیری، نڤیسینگەها لالش مەهەتێ ب هاریكاری و پشتەڤانیا بنگەهێ وەرزش و لاوێن شێخان و دگەل ئەنجومەنێ پارێزگەها مووسل یا ئێكەتیا ئافرەتێن كوردستانێ،خۆلەكا رەوشەنبیری بۆ ٢٥ قوتابیێن كچ و كور ل هۆلا لالش مەهەتێ ڤەكر.
ب ئامادەبوونا”مەهدی حەسەن”بەرپرسێ نڤیسینگەها لالشو “مەروان داود”جێگرێ بەرپرسێ نڤیسینگەهێ و”سلێمان جندی”ئەندامێ وێ و خانم”حنان بشیر” و “ویئام ئلیاس”ئەندامێن ئەنجومەنێ ئافرەتان،ئەڤ خۆلە هاتە ڤەكرن.
هەر بڤێ هەلكەفتێ بەرپرسێ نڤیسینگەها لالش پەیڤەك پێشكێشكر و تێدا سوپاسیا بنگەهێ وەرزش و لاوێن شێخان و ئەنجومەنێ ئافرەتان كر و سوپاسیا قوتابێن كچ و كور كر ئەڤێن پشكداری خۆلێ بووین،ل دووڤدا راهێنەرێ خۆلێ”تەها ئەدریس”نونەرێ بنگەهێ ناڤهاتی دپەیڤا خۆدا بەحسێ بەرنامێ خۆلێ كر و وگرنگیا ڤان خۆلا بۆ كور و كچان نەخاسمە ئەڤێن تەمەنێ وان ١٨تا ٢٠ سالی و ب كورتی شلۆڤەك دا بابەتێن خۆلێ وگۆتی خۆل دێ بۆ ماوێ ٣ رۆژان بت و باوەرنامە ل سەر پشكداران دێ ئێنە بەلاڤكرن.
تُتاح هذه الصورة أيضا في: کوردی