تۆرا لالش
ل رۆژا 15/11/2024، نڤیسینگەها لالش ئێسیا ب هەڤکاری دگەل ئێکەتیێن لاوان و قوتابیان، سمیناره‌كا ڤه‌كری ل سه‌ر رۆلێ گه‌نجان دناڤ جڤاكی دا بۆ میران صه‌باح ل گوندێ ئێسیا سازكر.
تێ زانین د ڤێ سمینارێ دا، سه‌لام به‌دل بەرپرسێ رێکخراوا ئێسیا و لوئەی فندی بەرپرسێ نڤیسینگەها لالش و باسل حسێن بەرپرسێ ناڤەندا باعەدرێ و زانا حه‌سه‌ن کارگێرێ ناوچا شێخان یا (ی.ق.ک) ژمارەیه‌کا زۆر ژ تەخێن قوتابی و لاوێن گوندێ ئێسیان د ئاماده‌بوون.
سمیناربێژ میران صه‌باح کارگێرێ لیژنا پارتی و بەرپرسێ بەشێ رێکخراوێن جەماوەری و پیشەیی ته‌كه‌زی ل سه‌ر رۆلێ قوتابی و لاوان کر دئاڤاکرنا وەلاتاندا و دیار کر کو ئەو ژێدەرێ دەستهەلاتێ نە و ئایندێ وەلاتی نە، لەوا پێتڤیە گەنجێ مە دیوارێ ترسێ و شەرمێ ژناڤ ببەت و مافێن خۆیێن ڕەوا داخوازبکەت و داکۆکیێ ل بەهرە و هێز و شیانێت خۆ دهەربوارەکی دا بکەت.
لدوڤدا ده‌رگه‌هێ دانوستاندنێ دناڤبه‌را ئاماده‌بوويان دا هاته ڤه‌كرن و ئاماده‌بوويان چه‌ندين پرسيار ئاراسته‌كرن و به‌رسڤ میرانی ڤه ل سه‌ر هاته دان.
تُتاح هذه الصورة أيضا في: کوردی
