کچەكا كوردا ئێزدى ژ خێڤه‌تێ دچتە کوليژا پزیشکی

کچە کوردێکی ئێزدی لە خێوەتێکی ئاوارەکانەوە و دوای چەندین کارەسات، ورە بەرنادات و  دەچێتە کۆلێژی پزیشکی.

بەسمە ئەلیاس، کچە کوردێکی ئێزدییە و بەهۆی داگیرکاریی رێکخراوی توندڕوی داعش لە شاری شنگال، ئاوارەی پارێزگای دهۆک بووە و لە کەمپێکی پەنابەرانی پارێزگای نەینەوا دەژی.

هەرچەندە دایک، باوک و برایەکی لەلایەن چەکدارانی داعشەوە رفێندرابوون و دواتر دایک و باوکی رزگار کران، بەڵام بەسمە ئەلیاس ورەی بەرنەداوە و درێژەی بە خوێندنەکەی داوە و لە پۆلی 12ـی ئامادەیی، توانیویەتی کۆنمرەی 101 بە دەست بهێنێت.

ئێستا ئەو کچە کوردە ئێزدییە، کە بە هیوایەیە رۆژێک براکەی رزگار بکرێت و بیبینێتەوە، لە کۆلێژی پزیشکیی گشتیی زانکۆی دهۆک دەخوێنێت.

لە مانگی حوزەیرانی 2014 و لە سەردەمی سەرۆک وەزیرانیی نوری مالیکی، دوای هەرەسهێنان و شکستی سوپای عێراق، چەکدارانی داعش زۆربەی ناوچەکانی پارێزگاکانی نەینەوا، سەڵاحەدین، دیالە و ئەنباریان داگیر کرد.