شنگال و پاشەرۆژەكا نەدیار
ئەلیاس نەعمۆ خەتاری
بەری هەموویێ داخوازێن مە ئەون كو شنگال ئارام بت و خەلكێ مە یێ شنگالێ ب تەمامی بزڤرنە سەر جهـ و وارێن خۆ و پێكڤە ژیانەكا ئارام لسەر ئاخا باب وكالێن خۆ دەربازبكن، دەربارەی رێككەفتنا دناڤبەرا هەولێر و بەغدایێ دا ئەوا لسەر شنگالێ هاتیە ئیمزاكرن خودێ چیا بخێر وێ بكت و د خزمەت دابت و خەلكێ شنگالێ بەرچاڤ وەرگرت.
پێتڤیە دەستێن خۆ و دەستێن هەڤ بكەین و ئێكدوو قەبوول بكەین هەر بریارەك یان پێنگاڤەكا لسەر ئاخا شنگالێ بێتە هاڤێتن یا باش ب خۆ قەبوول بكەین و یا خراب نەرازیبوونا خۆ لسەر دیاربكەین،ب راستی خەلكێ مە یێ شنگال گەلەك پەڕیشان و بەلنگاز و ماندیبوون و زەحمەتی و زولم و زۆرداری دیت، بلا ئێدی بەس بت مانە ئەو ژی مرۆڤن وەكی هەموو مرۆڤان بلا هنەكێ ژیانا خۆ ب ئارامی وتەنایی ب رێڤە ببەن،دەمێ ئەم بێژین شنگال و پاشەرۆژەكا نەدیار رامانا وێ ئەوە كو گەلەك كار و كریارێن نوو دێ ل سەر ئاخا شنگالێ روودەن لێ ئەم هیڤیدارین ئەو كارێن بێنە رودان كارێن باش بن دوور بن ژخرابیێ، هەلبەت دێ گهۆرین هەبن و بریارێن رێكەفتن لسەر هاتینە كرن دێ ب دوو رێیا ئێنە وەرگرتن هندەك دێ رازیبن و هندەك دێ نەرازیبن ، بەرامبەری ڤان بریارێن نوو لسەر شنگال هاتینە دان دڤیا خەلكێ شنگالێ ب گشتی و خەلكێ ئێزدی ب تایبەتی بۆچۆنا خۆ لسەر بدەن و گفتوگۆیێ دگەل هەردوو حكومەتان بكن حكومەتا بەغدا و حكومەتا هەولێر و هەر چ یا باش بێخنە پێش هەول و بزاڤان بكن ژبۆ پاشەرۆژەكا باشتر و خۆشتر داكو ژیان برێڤە بچت لسەر ئاخا شنگال و دا شنگال ئێدی نەبتە گۆرەپانا شەری دناڤبەرا لایەنێن سیاسی ل دەڤەرێ، هیڤیدارین هەر بریارەكا بێتەدان و كارەكێ بێتەكرن دخزمەتا خەلكێ دا بت.
خالەكا دن شنگال و ڤەگەریان بۆ جهـ و وارێن باب وكالا زۆر جوانە و گەلەك یە خۆشە دەمێ مرۆڤ ژ غەریبیا دزڤرت و جارەكا دن ڤەگەرتە سەر جی و وارێن خۆ یێن بەرێ هەر دیسان گەلەك یە خۆشە و زۆر باشە ئەڤ خەلكێ مە دێ قۆرتالبن ژ ژیانا سەخت و دژوار یا ل بن چادران و لبەر گەرما هاڤینێ و لبەر سەرما وبەفر و بارانێن وەرزێ زڤستانێ،ژئالیەكێَ دن ڤە گەلەك یە ب خەم و كۆڤانە و زۆر یە ب قەحرە دەمێ ئەڤ خەلكە دزڤرتە ناڤ ئاخا خۆ و ناڤ مالا خۆ یا بەرێ لێ ب مخابنی ڤە گەلەك ژوان كەسان نابینن یێن بەری فرمانێ دگەل دژیان ،ژبەركو پشكەك ژوان خۆشتڤیان د ژیانێ دا نەماینە ژبەركو لسەردەمێ فرمانا ئێزدیێن شنگال ئەوا لسەردەستێ هۆڤێن داعش هاتیە ئەنجام دان ل(3/8/2014)ێ پشكەك ژ خۆشتڤیان هاتنە كۆمەلكۆژكرن و هندەك ژێ هاتنە گرتن و رەڤاندن، لەورا هاتنا ڤی خەلكی خەم و كۆڤانەكا مەزن دگەل خۆ ڤەدگەرینن،دیسان ژ ئەركێن هەرێن فەر دكەفتە سەر ملێن هەر دوو حكومەتێن هەرێما كوردستانێ و بەغدا ب ئەركێ خۆ رابن بەرامبەری خەلكێ شنگال و هەموو ئاواران كو پێتڤیە خزمەتگۆزاریان وەكو كارەب و ئاڤ و قیركرنا جادەیان و دروستكرن و نووژەنكرنا قوتابخانان و پەیداكرنا خوارنێ، هەر دیسان پەیداكرنا ئارامیێ خالەكا هەرە گرنگە بۆ خەلكێ شنگالێ داكو بكارن بژین و ڤەگەرنە جی و وارێن خۆ ڤە.
سوپاس بۆ خەلكێ هەرێمێ ب گشتی و خەلكێ دهۆكێ ب تایبەتی ژبەر وێ هاریكاریا مرۆڤی یا بۆ ئێزدیان كرین ل سالا(2014)ێ ل دەمێ فرمانێ كو تا ئیرۆ ژی د بەردەوامن لسەر وێ هاریكاریا مرۆڤی،هەروەسا داخوازا من ژ جی و لایەنێن شۆلەژێ ئەوە بتر خزمەتا خەلكێ شنگال بكن،داكو بكارن بزڤرنە سەر مال و وارێن خۆ و چ جارێن دی تووشی نەخۆشیان و فرمانان نەبن.
تُتاح هذه الصورة أيضا في: کوردی