رۆژنامەیا حەیات: پەکەکێ ب بریارا ئۆجەلانی خوە ژ شنگالێ ڤەکێشا
WAAR-دهۆك:
رۆژنامەیا حەیات یا لەندەنی ل سەر زارێ سەرکردەیێن پەکەکێ بەلاڤ کریە؛ کو گەریلایێن پەکەکێ ب بریارا عەبدۆللا ئۆجەلانی خوە ژ شنگالێ ڤەکێشا.
رۆژنامەیا ناڤھاتی د راپۆرتەکا خوە دا ئاماژە ب ڤەکێشانا گەریلایێن پەکەکێ ژ شنگالێ کریە و گۆت: پشتی ئیراق و تورکیا ب چاڤدێرییا ئەمریکا رێککەفتین و ھەرێما کوردستانێ ژی پێشوازی ل وێ رێککەفتنێ کری، گەریلایێن پەکەکێ خوە ژ شنگالێ ڤەکێشا.
ھەروەسا رۆژنامەیا حەیات ل سەر زارێ سەرکردەیێن پەکەکێ ئاشکرا کر: ڤەکێشانا پەکەکێ ژ شنگالێ ب بریارا عەبدۆللا ئۆجەلان رێبەرێ زیندانکری یێ پارتییا کارکەرێن کوردستانێ بوو، ژبۆ وێ یەکێ شنگال نەکەڤیت بەر ھێرشێن سوپایێ تورکیێ.
رەجەب تەیب ئەردۆگان سەرۆککۆمارێ تورکیێ چەندین جاران راگەھاندیە، سوپایێ تورکیێ دێ ھێرشی گەریلایێن پەکەکێ ل شنگالێ کەت و د داوی داخۆیانییا خوە دا گۆتییە: بەغدا چ گاڤان ل دژی پەکەکێ نەھاڤێت، ئەو دێ ب ئەرکێ خوە رابن.
تُتاح هذه الصورة أيضا في: کوردی