كۆما 74فلمێ دلۆپەك ژ جینۆسایدێ تۆماركر
تۆرا لالش یا راگەهاندنێ/سالار فائز/ئەلمانیا
كۆما”هەفتی و چار” رابوو ب تۆماركرنا كورتە فلمەكی بناڤێ”دلۆپەك ژ جینۆسایدێ”دناڤەرۆكێ دا كو پتر تێدا ئالیێ دەستدرێژیێ و توندوتیژیێ دیاردبت ژئالیێ داعشێ ڤە بۆ سەر كچێن ئێزدی،ئەڤ فلم ژبۆ نیشاندانا ئێش و ئازارێن مللەتێ ئێزدی یە ب رێیا زمانەكێ جیهانی بۆ خەلكێ ،دیسان دبتە پشتەڤانی بۆ هەوا فریشتەیا ئێزدیخانێ “نادیا موراد”سەر سەكناندنا جینۆسایدێ سەر ئێزدیان دا.
ئەڤ كورتە فلمە دوو پارچەنە ئێك ل باژێرێ بیلیفیلد ل ئەلمانیا هاتە تۆماركرن و پارچا دی ل كوردستانێ،ژئالیێ كۆما شانۆیێ یا جەمال لالش دێ ئێتە تۆماركرن و ئەڤ كورتە فلمە ژ سیناریۆیا “جەمال دەروێش”ە و دەرهێنانا “هاریوان هادی” یە و پێداچۆن “سالار فائز” و مۆنتاژ “عەبدولعەزیز باعدری”یە و وێنەگر”مەحسوم شەریف”ە و ل ئستۆدیویا “سەنسار “هاتیە تۆماركرن كو “جەلال سەنسار” و “نشتیمان سەنسار” پێ رابوون.
هەر دكورتە فلمی دا تێدا ئسترانەك تێتە گۆتن ژئالیێ هەڤندی ڤە و هەلبەستەكە دووقولی تێتە گۆتن بناڤێ “محروما دنیایێ” ژئالیێ سیروان ئێزدی و نەورۆزێ ڤە. 
تُتاح هذه الصورة أيضا في: کوردی