وەزارەتا پێشمەرگەی و بنگەهێ لالش ل ئەلمانیا چەندین كۆمەل و كەسایەتی خەلاتكرن
تۆرا لالش یا راگەهاندنێ
بنگەهێ لالش ل ئەلمانیا ب هەماهەنگی دگەل وەزارەتا پێشمەرگەی یا حكوومەتا هەرێما كوردستانێ،ل رێككەفتی 26ئادارا 2017ێ، چالاكیەك ل باژێرێ بیلیفیلد ل دارخست،تێدا چەند گۆتار هاتنە پێشكێشكرن و دووپاتكرن كو دەڤەرێن ئێزدیان پێتڤی ب هێزا پێشمەرگەیێ كوردستانێ هەیە ب تایبەتی ل دەڤەرا شنگالێ و دەڤەرێن دی،ژبۆ چارەسەركرنا ئاریشە و كەیسا ئێزدیا ب تایبەتی پشتی شەرێ داعشێ.
دڤێ چالاكیێ دا،دۆرێن 400كەسایەتیێن ئەلمان و ئێزدی و كەسایەتیێن حزبی و یێن نوونەراتیا حكوومەتا هەرێما كوردستانێ ل برۆكسل و جێگرێ ئەندامێ لقا شەش ل بەرلین وچەند كەسانێن دی و مالباتێن شەهیدا و پێشمەرگە و كەسانێن بەشداربووین دشەرێ داعشێ دا ئامادەببوون.
هەروەسا ژلایەكێ دیڤە تێدا چەندین گۆتار هاتنە خووندن ژ بال خەلكێ مە و بنگەهی و وەزارەتا پێشمەرگەی و بەردەفكێ وەزارەتێ بۆ كارێ راگەهاندنێ ڤە،هەموو دئێك بۆچوون دابوون و دووپات ل سەر پێتڤیا خەلكێ مە یێ ئێزدی ب هێزا پێشمەرگەیێ كوردستانێ هەیە ب تایبەتی ل دەڤەرا شنگالێ و دەڤەرێن دی یێن ئێزدیا بۆ چارەسەركرنا كێش و كەیسا ئێزدیا ب تایبەتی پشتی شەرێ داعشێ.
دلایەكێ دی دا پشتی گۆتار خووندنێ بنگەهی سێ ئارمێن رێزلێنانێ دانە وەزارەتا پێشمەرگەی،ل دووڤ دا فلمەكێ تایبەت ل سەر پێشمەرگەی و ئێك ل سەر كار و چالاكیێن بنگەهێ لالش ل دڤان سالێن بۆری دا ئەلمانیا كو كارەكێ تایبەت كربوو د دەما شەرێ داعشێ دا هاتنە وەشاندن.
هەر دچالاكیێ دا ئارمێن رێزگرتنێ ژبال وەزارەتێ ڤە هاتنە پێشكێشكرن،ئێك بۆ بنگەهی و یێن دی ژی بۆ كەسایەتی و رۆژنامەڤانێن ئێزدی و سوپاسنامە ژی هاتنە بەلاڤكرن وچەندین كۆمەل و كەسایەتی هاتنە خەلاتكرن.
تُتاح هذه الصورة أيضا في: کوردی