ئاهەنگا دەرچوونا كەمپینا لالش یا رەوشەنبیری یا دووێ هاتە لدارخستن
تۆرا لالش یا راگەهاندنێ
ئیرۆ رۆژا دووشەمبوویێ 3/10/2016ێ، ئاهەنگا دەرچوونێ بۆ نێزیكی 100قوتابیێن كەمپینا لالش یا رەوشەنبیری یا دووێ هاتە گێران و باوەرنامە ل سەر پشكداران هاتن بەلاڤكرن.
ب ئامادەبوونا بەرێز”شێخ شامۆ”ئەندامێ پەرلەمانێ كوردستانێ و سەرۆكێ دەستەیا بلندا بنگەهێ لالش ل دهۆكێ و بەرێز”ئسماعیل ئامێدی”بەرپرسێ بۆردێ كاروبارێن مرۆڤایەتی ل پارێزگەها دهۆكێ و نوونەرێ پارێزگارێ دهۆكێ و رێڤەبەرێ رێكخراوا هاریكار و نوونەرێ ناوچەدارییا زاوینە و كۆمەكا سمیناربێژ و مامۆستایێن بەشداری دڤێ كەمپینێ دا كرین یێن وانە بۆ پشكداران پێشكێشكرین وهندەك ئەندامێن دەستەیا بلندا بنگەهێ لالش وتایێن ب سەرڤە،ئاهەنگا دەرچوونا نێزیكی 100قوتابیان ب رێڤەچوو.
ل پێشیێ خۆلەكەک رێزگرتن بۆ گیانێ پاكێ جانگۆریێن كورد و كوردستانێ و شنگالێ سەركاروانێ وان بارزانیێ نەمر سرودا ئەی رەقیب هاتە ل دارخستن،ل پێرا پەیڤا بخێرهاتنێ ژئالیێ”جەعفەر سمۆ”رێڤەبەرێ كەمپینێ و بەرپرسێ راگەهاندنا بنگەهێ لالش ل دهۆكێ سوپاسیا ئامادەبوویان كر ودیاركر كو پتری 23سمیناران دهەموو بیاڤێن ژیانێ دە بۆ ماوێ هەفتیەكێ دڤێ كەمپینێ دا هاتنە پێشكێشكرن،كو قوتابیێن پشكدار مفایەكێ باش ژ وان وانا وەرگرت،هەروەسا سوپاسیا پشتەڤانیا”شێخ شامۆ”كر بۆ كەمپینێ كو ب چاڤدێرییا وێ هاتبوو ڤەكرن،دیسان سوپاسیێن خۆ گەهاندنە كارگێریا پارێزگەها دهۆكێ و رێكخراوا هاریكار بۆ پشتەڤانیا وان بۆ ڤی پرۆژەی.
پاش دوو كورتە پەیڤ ژئالیێ جێگرێ پارێزگارێ دهۆكێ و رێڤەبەرێ رێكخراوا هاریكار ڤە هاتنە پێشكێشكرن و تێدا پشتەڤانیا خۆ دووپاتكرن بۆ وان بزاڤێن بنگەهێ لالش ئەنجام ددەتن بۆ خزمەتكرنا گەنجان و ب تایبەت گەنجێن شنگالێ.
ژلایەكێ دیڤە پەیڤا قوتابیان ژبال”مەنال”كچەكا گرتییا دەستێ داعشێ یە هاتە خووندن و تێدا سوپاسیێن خۆ و هەموو قوتابیان گەهاندنە بنگەهێ لالش و سەرۆكێ بنگەهی و هەر كەسەكی پشتەڤانی ل ڤی پرۆژێ پیرۆز كری و گۆت:”كارەكێ پیرۆز بوو ئەڤ دوو سالە ئەم دڤان كاودان و بارودۆخێن نەخۆش دا تشتەكێ باش بوو ئەم كەفتینە دناڤ ڤی سەقایی رحەت و زانستی د مە مفا ژێ وەرگرت و دەرونیا مە ژی تارادەكی ئارام بوو،هەروەسا سوپاسیا رێڤەبەرێ كەمپینێ و هەموو مامۆستایێن وانە بۆ وان پێشكێشكرین كر،هەروەسا ب رێیا كەمپینێ پەیامەك ئاراستە كر و گۆت:سلاڤ بۆ گرتی و ئێخسیرێن دەستێ داعش دە و رزگاری بۆ وان وسلاڤ بۆ خەلكێ شنگالێ یێ دژیانەكا سەخت و دژواردا دەرباز دبن و سلاڤێن خۆ ئاراستەی پێشمەرگێ كوردستانێ كرن یێن كو نۆكە ل سەنگەران بەرەڤانیێ ژهەبوونا مە دكن و دەڤەرێن مە رزگار دكن.
ل دووڤ را چەند برگێن هۆنەری ژئالیێ پشكداران ڤە بۆ ئامادەبوویان هاتنە پێشكێشكرن.
هەروەسا ل داوییا ئاهەنگێ باوەرنامە ل سەر ئامادەبوویان هاتنە بەلاڤكرن و دئێتە چاڤەرێكرن سبەی رێككەفتی 4/10/2016ێ سەیرانەك بۆ دەرچوویێن ئاهەنگێ بێتە سازدان ل دەڤەرێن گەشتیاری یێن هەرێما كوردستانێ.
تُتاح هذه الصورة أيضا في: کوردی