موەلیدەکێ کارەبێ بۆ هۆلێن لالش ل شاریا هاتە دابینکرن
تۆرا لالش يا راگه‌هاندنێ
ب پالپشتیا بەرێز”فهیم عبدالله” سەرۆکێ جڤاتا پارێزگەها دهۆکێ و خانم “بێریڤان سه‌لیم” جێگرا سەرۆکێ جڤاتێ و رێڤەبەریا کاروبارێن مرۆڤایەتی ( B-R-H-A) و ب هەماهەنگی دگەل بەرێز “شێخ شامۆ” سەرۆکێ دەستەیا بلندا بنگەهێ لالش و ل سەر داخوازا بنگەهێ لالش تایێ شاریا،ئیرۆ 10/10/2016ێ، موەلیدەکێ کارەبێ ژ جۆرێ ( YANAN – MOTOR ) ب هێزا (37KV) بۆ هەردوو هۆلێن لالش 1 و 2 ل كۆمه‌لگه‌هێ هاتنە دابینکرن.
ئەڤ موەلیدە هاتە دابینکرن،پشتی بارگرانیەکا مەزن کەفتیە سەر هۆلێن لالش 1و2 ژبەر زێدەبوونا پێتڤییا خەلکێ مە ب ڤان هۆلان ب تایبەت ل دەمێ تازی وجڤینێن کۆمەلایەتی و چالاکیێن گەنجا و گێرانا کور و سمیناران و چالاکیێت نەتەوایەتی ، ژبەر نەبوونا موەلیدەکی کارەبێ ژبۆ هۆلێن ناڤبری و نەبوونا کارەبێ ب شێوەیەکێ پێتڤی، بنگەهێ لالش تایێ شاریا ب فەر دیت داخوازیێ ژسەرۆکاتیا جڤاتا پارێزگەها دهۆکێ بکت ژبۆ چارەسەرکرنا ڤێ ئاریشێ.
هەر ژبۆ ڤێ مەرەمێ شاندەکێ ژ بنگەهێ لالش تایێ شاریا سەره‌دانا بەرێز”فهیم عبدالله”)سەرۆکێ جڤاتێ و خانم “بێریڤان سلیم “جێگرا سەرۆکێ جڤاتێ کر و داخواز هاتە کرن بۆ دابینکرنا موەلدەکی،ژلایێ خۆڤە هەردوو بەرێزان ب خۆشحالیڤە رازەمەندیا خۆ دیارکر ل سەر داخوازا شاندێ ناڤبری.
تُتاح هذه الصورة أيضا في: کوردی