“شێخ شامۆ” یێ بەردەوامە ل سەر گەهاندنا دەرد و داخوازیێن كوردێن ئێزدی بۆ جیهانا دەرڤە
تۆرا لالش یا راگەهاندنێ/هەولێر
“شێخ شامۆ”نوونەرێ كوردێن ئێزدی ل پەرلەمانێ كوردستانێ،دەرد وداخوازی و پەریشانی و كارەساتا ب سەرێ ئێزدیان هاتی ل دەڤەرا شنگالێ،ب گۆتن و راپۆرتێن نڤیسی گەهاندنە شاندەكێ وەلاتێ چیك.
دوهی رۆژا پێنج شەمبوویێ 3/11/2016ێ،شاندەكێ بلند یێ وەلاتێ چیك سەرەدانا پەرلەمانێ كوردستانێ كر و ژئالیێ بەرێز”د.جەعفەر ئێمینكی”جێگرێ سەرۆكێ پەرلەمانی و كۆمەكا ئەندام و راوێژكارێن پەرلەمانێ كوردستانێ هاتنە پێشوازیكرن، شاندێ مێڤان یێ پێکهاتی بو ژ “جان بارتۆشیك” جێگرێ سەرۆكێ پەرلەمانێ وەڵاتێ چیك و خاتوو “جانا شێرنۆچۆڤا” ئەنداما پەرلەمانێ وەڵاتێ چیك و “جان ڤێژیتاڵ” باڵیۆزێ وەڵاتێ چیك ل عیراقێ و خاتوو ” ئێڤا دەردەكۆڤا” كونسوڵا گشتیی یا وەڵاتێ چیك ل هەولێرێ و “جارۆسلاف ریف” جێگرێ كونسوڵێ گشتیی چیك ل هەولێر.
دهەڤدیتنێ دا كو “شێخ شامۆ”نوونەرێ كوردێن ئێزدی ل پەرلەمانێ كوردستانێ ئامادەبوو،رۆنكرن و دەرد وداخوازی و پەریشانی یا كوردێن ئێزدی و كارەساتا ب سەرێ خەلكێ مە ل دەڤەرا شنگالێ و زەرەر و زیان و زۆردارییا ل سەر دەستێ داعشێن تیرۆرست دڤان دوو سالێن دەربازبووی دە هاتی،ب گۆتن و راپۆرتێن نڤیسی گەهاندنە شاندێ مێڤان.
هەروەسا”شێخ شامۆ”دەلیلێ(رێبە) بنگەهێ لالش پێشكێشی شاندێ مێڤان كر،كو پتر فەلسەفا ئۆلا ئێزدیاتیێ ناس بكن.
پاش نوونەرێ كوردێن ئێزدی ب حازربونا جێگرێ سەرۆکێ پەرلەمان ،جێگرێ سەرۆكێ پەرلەمانێ چیك وەك سەرۆكێ شاندی ب ئارمێ لالش خەلاتكر و دخەلاتكرنێ دا گۆت:”ئەڤە نیشانەكا پیرۆزە دئێزدیاتیێ دە و مە ڤیا پێشكێشی وە بكن وەک رێزگرتن بۆ وێ هاریکاریا وەلاتێ وە ژبۆ کوردستانێ پێشکێشکری و ئەم ئێزدی ژی دناڤ دا دیسان دا هون ل وەلاتێ خۆ هەولدانێن جدی بكن،بۆ زێدەتر هاریكاریكرنا مە و هەتا ژیانا خەلكێ مە یێ زەرەر پێ كەفتی باشتر ببە”.
تُتاح هذه الصورة أيضا في: کوردی