كەنیسا مار نرسای ل دهۆكێ بنگەهێ لالش ل ئەلمانیا خەلات دكت
تۆرا لالش یا راگەهاندنێ
وەك رێزگرتن بۆ پێكۆل و رۆلێ وی یێ ئەكتیف دبیاڤێ خورتكرنا پێكڤەژیانا ئاشتیانە و هەستێ وان یێ نەتەوەیی ل ژ دەرڤە،كەنیسا مار نرسای ل دهۆكێ،ئیرۆ رۆژا پێنج شەمبوویێ،بەرێز”خەلات شێخ موراد”سەرۆكێ بنگەهێ لالش ل ئەلمانیا خەلاتكر.
خوری “فیلیبوس داود فیلیبیس”ل كەنیسا مار نرسای ل دهۆكێ دووپاتكر كو بنگەهێ لالش ل ناڤ و ژ دەرڤەی كوردستانێ رۆلەكێ ئەكتیف و كارا بۆ ئاڤاكرنا پەیوەندییان و پێشئێخستنا پرۆسا پێكڤەژیان و لێبۆرینێ دناڤبەرا هەموو پێكهاتێن كوردستانێ دا هەیە،ئەڤە ئەركە ل سەر هەموو دەزگەهێن رەوشەنبیری و ئایینی،رۆنكر ژی كو ئەڤ خەلاتكرنە لایەكە ژ رێزلێنانێ بۆ چالاكیێن نەتەوی و خورتكرنا پێكڤەژیانا هەڤبەش یا بنگەهێ لالش ل ئەلمانیا ل ئەوروپا پێ رادبت.
ژبال خۆڤە بەرێز”خەلات شێخ موراد”سەرۆكێ بنگەهێ لالش ل ئەلمانیا سوپاسیا خوری فیلیبوس كر بۆ ڤێ خەلاتكرنێ،دووپاتكر كو پێكڤەژیان و لێبۆرین ژ ئارمانجێن بنگەهێ لالشن،ئاماژەكر كو كوردستان بنگەهێ پێكڤەژیانێ یە وەك سەماحەتا سەرۆك بارزانی هەردەم دگۆتارێن خۆ دا دووپات لێكریە.
هەروەسا بەرێز”خەلات”رۆنكر ئەم پێتڤی گۆتارەكا ئێكگرتی نە ب تایبەت ل ڤێ قۆناغا نازك دا و ل سەر مە پالپشتیا پرۆژێ سەرۆك بارزانی یێ نەتەوی بكەین و ئەو ژی پرۆژێ راگەهاندنا دەولەتا كوردی یە.
ل داویێ سەرۆكێ بنگەهێ لالش ل ئەلمانیا سوپاسیا كەنیسا مار نرسای كر بۆ پشتەڤانیا وان یا بەردەوام بۆ ئاوارێن ئێزدی،داخواز ژێكر كو پتر هاریكارییان پێشكێش بكن،ژبەركو ئاوارە درەوشەكا ب زەحمەت دا دژین دكەمپان دا.
تُتاح هذه الصورة أيضا في: کوردی