“كەسایەتیێن جڤاكی یێن گوندێ خوشابا سوپاسیێن خەلکێ گوندی دگەهیننە شێخ شامۆ”
تۆرا لالش یا راگەهاندنێ
كەسایەتیێن جڤاكی یێن گوندێ خوشابا دسەرەدانەكێ دا بۆ بنگەهێ لالش ل دهۆكێ، ئیرۆ رۆژا ئێک شەمبوويێ،سوپاسیێن خۆ ئاراستەی بەرێز”شێخ شامۆ”سەرۆكێ بنگەهی و ئەندامێ پەرلەمانێ کوردستانێ كرن بۆ خزمەتا پێشكێشی گوندی کری.
دپێشیێ دا كەسایەتیان سوپاسیێن خۆ ئاراستەی بنگەهی و شەخسێ سەرۆكێ بنگەهی كرن،بۆ گرنگی پێدان و خزمەتا ژلایێ جڤاكی یان رەوشەنبیری ڤە دئێتە پێشکێشکرن بۆ حهموو دەڤەرێن ئێزدیا ،ئاماژەكرن كو هەر پێتڤی وداخوازییەكا وان هەبت بنگەهی تەخسیری ژ وان را نەكریە.
ژلایەكێ دیڤە،ب درێژی گەنگەشە ل سەر رەوش وپتر خزمەتكرنا گوندى هاتە كرن.
هەروەسا ژئالیێ خۆ ڤە”شێخ شامۆ”سۆزدا ل گۆر پێچێبوون و کارینا خزمەتا خەلكێ وێ دەڤەرێ بكت.
هێژای گۆتنێ یە ژبۆ خزمەتکرنا خەلکێ گوندی ژ ئالیێ جڤاکی ڤە ب چاڤدێریا “شێخ شامۆ”هۆلا جڤاکی یا گوندێ خۆشابا ب درێژاهیا 70 مەترا هاتیه ڤەنەپە کرن ژ باشترین جۆر.
تُتاح هذه الصورة أيضا في: کوردی