بنگەهێ لالش:ریفراندۆما كوردستانێ دەلیڤەكا زێرینە بۆ ئێزدیان
تۆرا لالش یا راگەهاندنێ
ب ئامادەبوونا كۆمەكا ئەندامێن بنگەهێ لالش تایێ خانكێ و ژمارەكا رەوشەنبیر و بەرپرسێن فەرمانگەهێن حكومی و حزبی،ئیرۆ چارشەمبوویێ 28حوزەیرانا 2017ێ،روونشتنەكا رەوشەنبیری یا بەرفرەه ل دۆر ریفراندۆما هەرێما كوردستانێ كو ل 25ئەیلولا ئەڤ سالە دێ ب رێڤەچت،هاتە گرێدان.
ل دەستپێكێ بەرێز”دەخیل نایڤ”بخێرهاتنا ئامادەبوویان كر و پاش خۆلەكەكێ ل سەر گیانێ جانگۆریێن كورد و كوردستانێ سەكنین،پاشی دووپات ل سەر گرنگیا ریفراندۆمێ بۆ گەلێ كوردستانێ كر.
ل دووڤدا بەرێز”عەنتەر كەلۆ”بەرپرسێ بنگەهێ لالش تایێ خانكێ پەیڤەك ل دۆر ریفراندۆمێ پێشكێشكر و دیاركر كو ریفراندۆم بۆ ئێزدیان گرنگە ئەوێن ب درێژاهیا دیرۆكێ تووشی ب دەهان هەوێن كۆمكوژیێن بكۆم بووین،ئەڤ ریفراندۆم وەك دەلیڤەكا زێرینە بۆ ئێزدیان بۆ نەهێلانا ئازارێن سەدان سالان.
ل پێرا روونشتنا ڤەكری دەستپێكر دناڤبەرا ئامادەبوویان،كو بۆچۆنێن جودا جودا ل دۆر ریفراندۆمێ دانە دیاركرن و حەموویان تەكەز ل دەنگدانێ بۆ سەربەخۆییا كوردستانێ كر.
تُتاح هذه الصورة أيضا في: کوردی