ب پشكداریا بنگەهێ لالش روونشتنەكا ڤەكری لسهر پێكڤەژیانێ ل دهۆكێ هاتە سازكرن
تۆرا لالش یا راگەهاندنێ/دهۆك 
ب پشكداریا دەستەیا بلندا بنگەهێ لالش،روونشتنەكا ڤەكری لسەر پێكهاتێن دەڤەرێ وپێكڤەژیانێ ل زانكۆیا دهۆكێ هاتە سازكرن.
ئیرۆ رۆژا شەمبوویێ 9/12/2017، ل سەنتەێ رەوشەنبیری یێ زانكۆیا دهۆكێ روونشتنەكا ڤەكری لدۆر(ئەرێ ئەم چی بكەین باشە بۆ مللەتی خۆ) ژلایێ بزاڤا ئاشتیا نافخۆیی هاتە سازكرن،ب پشكداریا دەستەیا بلندا بنگەهێ لالش ل دهۆكێ ب رێیا نوونەرێ خۆ بەرێز”شەمۆ قاسم”و ئامادەبوونا كۆمەكا بژاردە ژ رەوشەنبیر وئەندام پەرلەمان ژ هەموو تەخ وتوێژێت دەڤەرا بادینان.
دروونشتنێ دا ئامادەبوویان گەنگەشە لسەر بابەتێ (ئەرێ ئەم چی بكەین باشە بۆ مللەتی خۆ)لسەر پێكهاتێن دەڤەرێ وپێكڤەژیانێ وچارەسەری چی یە هاتە كرن.
هەر دروونشتنێ دا تەكەز ل ڤان خالان هاتە كرن ئەو ژی بزاڤێن پارتێن سیاسی یێن گرێدایی ئایین ونەتەوا بوونە ئەگەرێ تێكدانا رەوشا پێكهاتین جودا جودا وسیاسەتا وان جودابوونەك پەیداكر،بەلاڤبوونا هزرێت تووندرەوی ب هاتنا رێكخراوا داعش بۆ دەڤەرێ كارتێكرنەكا مەزن ل ئاشتیا گەل وپێكڤەژیانێ كر،پێكڤەژیان بێی هشیاركرنا جڤاكی ل جیێن ئایینی وقوتابخانا ودناڤ خێزانێ دە نا گەهتە چ ئارمانجا و چارەسەری،دانانا دەستوورەكی ناڤخۆیی مافێ هەموو پێكهاتا دەستەبەر بكت وبپارێزت،ئاڤاكرنا كەساتیا مرۆڤی دوور ژ توندوتیژیێ وهزرێت بەرتەنگ،پەیداكرنا هزرێت نوو وهەستەكی پاقژ دا رەفتارێن جوان بۆ پێكڤەژیانێ پەیدابن،ئاڤاكرنا ئیدارەكا مەدەنی وعەدالەتا جڤاكی وسەروەریا قانوونی ئێكلاكەربت.چ ئاشتی بێی لێبۆرین نابت وچ دیموكراتی بێی ئاشتی نابت.
تُتاح هذه الصورة أيضا في: کوردی