“هەموو مەزارگەهێن ئێزدیان ل باشیكێ هاتنە ئاڤاكرن”
تۆرا لالش یا راگەهاندنێ
ب هەلكەفتا ب داوی هاتنا دووبارە ئاڤاكرنا مەزارگەهێن ئێزدیان ل دەڤەرا باشیكێ یێن رێكخراوا داعش هەرفاندین،روونشتنەكا ڤەكری بۆ كۆمەكا زەلامێن ئایینی و ریهسپی و جڤاتا هەلبژێرا باشیكێ و رەوشەنبیران هاتە سازدان.
ل رێككەفتی 9ئادارا2018ێ،بنگەهێ لالش تایێ باشیكێ روونشتنەكا ڤەكری بۆ كۆمەكا زەلامێن ئایینی و ریهسپی و جڤاتا هەلبژێرا باشیكێ و رەوشەنبیران سازدا،ئامادەبوویان رۆلێ خەلكێ دەڤەرێ و ب تایبەت خلمەتكارێن قارەمان بۆ تەمامكرنا كارێ ئاڤاكرنا مەزارگەهان ب شێوەكی خۆبەخشانە بلند نرخاند.
ل هەر كۆمكوژیەكا كوردێن ئێزدی تووش دبنێ زیان ب مەزارگەهێن وان دكەفت و دئێنە هەرفاندن،بەلێ ب هیمەت و ئیرادا ئێزدیاتیێ جارەكا دی دووبارە ب ئەندازە و دیزاینەكا باشتر دئێتە ئاڤاكرن ڤە.
دتەوەرەكی دی یێ روونشتنێ دا ئامادەبوویان بەحسێ كارێن داهاتی ل پاشەرۆژێ كرن بۆ خزمەتكرنا خەلكێ دەڤەرێ.
ل داویا روونشتنێ سوپاسیا رۆلێ بنگەهێ لالش كرن لسەر ئەنجام دانا ڤان جۆرە چالاكیان ل دەڤەرێ.
تُتاح هذه الصورة أيضا في: کوردی