دروونشتنه‌كا ڤه‌كرى دا گه‌نگه‌شه لسه‌ر پرۆژێ ئینسكلۆپیدیا”جینۆسایدا ئێزدیان” هات كرن
تۆرا لالش يا راگه‌هاندنێ/شاريا
ل كۆمه‌لگه‌ها شاريا پرۆژێ ئینسكلۆپیدیا “جینۆسایدا ئێزدیان” هاتە گەنگەشەكرن.
ئيرۆ رۆژا پێنج شه‌مبوويێ 12ى نيسانا2018ێ ل هۆلا لالش ئێك ب ئامادەبوونا ژمارەکا کەسایەتیێن حکومی و نڤیسەر و رۆژنامەڤان و رەوشەنبیرێن ئێزدی، بنگەهێ لالش تایێ شاریا روونشتنەکا ڤەکری بۆ نڤیسەرێ ئێزدی “داود موراد خەتاری” ئه‌نجام دا،لدۆر پرۆژێ پەرتۆکا وی یا بناڤێ “جینۆسایدا ئێزدی” کو ب زمانێ ئەرەبی کار لسەر دئێتە کرن و چاڤەرێ دئێتە کرن ل داهاتەکی نێزیک تەمام ببت و بکەفتە بەردەستێ خووندەڤانا.
پەرتۆکا”جینۆسایدا ئێزدی” ژ شەش بەرگا پێک دئێت و تێدا ب درێژی بەحسێ جینۆسایدا ئێزدیان دکت ب تایبەت خەلکێ شنگالێ هەر ژ دەستپێکا کارەساتێ ل ۳/٨/۲۰۱٤ تا ئيرۆ رۆژ.
هه‌روه‌سا پشتی نڤیسەرێ ناڤبری بەحس ل پەرتۆکا خۆ کری ب درێژی دەرگەهێ گەنگەشێ لدۆر پەرتۆکێ هاتە ڤەکرن.
ژلایێ خۆڤە ئامادەبوویان چەندین رەخنێن ئاڤاکەر و پێشنیارێن باش ئاراستەی ناڤبری کرن و ژلایێ خۆڤە خەتاری ب دلەکی فرەهـ و ب سوپاسی ڤە ئەو رەخنە و پێشنیار وەرگرتن.
ئەڤ روونشتن تایبەت هاتە ئەنجام دان،ژبۆ وەرگرتنا رەخنە و پێشنیاران لسەر پرۆژێ پەرتۆکا ناڤبری.
تُتاح هذه الصورة أيضا في: کوردی