شاندەكی قوتابیێن ئامادەیا باعەدرێ گەشتەكا زانستی بۆ بنگەهێ لالش ئەنجام دان
تۆرا لالش یا راگەهاندنێ/دهۆك
شاندەكی قوتابیێن ئامادەیا باعەدرێ گەشتەكا زانستی بۆ بارەگایێ دەستەیا بلندا بنگەهێ لالش یێ رەوشەنبیری و كۆمەلایەتی ل دهۆكێ ئەنجام دان.
ئیرۆ رۆژا سێ شەمبوویێ 18ی ئەیلولا 2018ێ شاندەكی قوتابیێن ئامادەیا باعەدرێ ب سەرۆكاتیا”شێخ خەلات”رێڤەبەرێ ئامادەیا باعەدرێ،گەشتەكا زانستی بۆ دەستەیا بلندا بنگەهێ لالش ئەنجام دان و ژبال بەرێز”شەمۆ قاسم”ئەندامێ دەستەیا بلند و بەرێز”جەعفەر سمۆ”بەرپرسێ راگەهاندنا بنگەهی ڤە هاتە پێشوازیكرن.
دهەڤدیتنێ دا بەرێز”شەمۆ قاسم”ئەندامێ دەستەیا بلندا رۆناهیەك ئێخستە سەر كار و چالاكیێن بنگەهێ لالش پێ رادبت و ئەنجام ددەت بۆ خورتكرنا بزاڤا رەوشەنبیری یا كوردی ب گشتی و یا ئێزدیان ب تایبەتی و تەكەزكر كو ئێك ژ ئارمانجێن بنگەهی خزمەتكرنا قوتابیانە.
ژلایەكی دی ڤە قوتابیان سەرەدانەك دناڤ ئاڤاهیێ بنگەهێ لالش دا كر و پشك و كارێن بنگەهی بۆ قوتابیان هاتن شرۆڤەكرن.
تُتاح هذه الصورة أيضا في: کوردی