بنگه‌هێ لالش چه‌ند چالاكى لدۆر جینۆسایدا شنگال ئه‌نجام دان
تۆرا لالش يا راگه‌هاندنێ/دهۆك
لژێر چاڤدێریا به‌رێز”شێخ شامۆ”راوێژكارێ سه‌رۆكێ حكومه‌تا هه‌رێما كوردستانێ بۆ كاروبارێ ئێزدیا و سه‌رۆكێ ده‌سته‌یا بلندا بنگه‌هێ لالش و هه‌ڤده‌م دگه‌ل بیره‌وه‌ریا رۆژێن ره‌ش یێن جینۆسایدا شنگالێ،چه‌ند چالاكى هاتنه ئه‌نجام دان.
ئيرۆ 24ى ته‌باخا 2019ێ ل باغچێ بنگه‌هێ لالش و ب ئاماده‌بوونا ژماره‌كا كه‌سايه‌تى و ره‌وشه‌نبير و مامۆستايان،نڤیسینگه‌ها لالش دهۆك چه‌ند چالاكى ئه‌نجام دان مينا ڤه‌كرنا پێشانگه‌هه‌كا شێوه‌كاری لدۆر جینۆسایدا شنگال كو ژ ئالیێ رێكخراوا (بهارا هیڤیا) ڤه هاتبوو ئاماده‌كرن،رێكخستنا سمینارا به‌رێز”سامان عومه‌ر”تایبه‌تمه‌ندێ ئاسایشا نه‌ته‌وه‌یی لدۆر بابه‌تێ(تاوانێن ناڤده‌وله‌تی یێن داعش دژی ئێزدیان دچارچۆڤێ یاسا ناڤده‌وله‌تی دا).
هه‌روه‌سا په‌رتۆكا(اطفال ایزدیون في ضل تنظيم داعش)یا مامۆستایێ زانكۆیێ”ئه‌یاد عه‌جاج ڤیان” ئه‌وا كو بوویه په‌رتۆكا ٣٩ێ ژ زنجیرا په‌رتؤكێن بنگه‌هێ لالش هاته ئيمزاكرن و به‌لاڤكرن.
تُتاح هذه الصورة أيضا في: کوردی